The Girl O’Dreams

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

The Girl O’Dreams, op Ripuaresch wööd mo Dat Mäddche, va däm mo drööhmd saare, es önö Stommfilm, dä em Joohr 1916 en d USA jedriihnd woode es. Dä Schwazz/Wiss-Film wood van d American Film Co. produzeerd.

Woröm öt en dä Film jäng

Phillip Fletcher, önö Millionär un Beldhouwer, träckd no dr Duud va sing Vrau op ön Insel, wo hä alleen lääve well. Zo d selbe Zitt reißd Harry LeRoy zösamme met d Witwe Vrau Hansen un hör Doohter Norma met öt Scheff. Sö welle ön schünn Zitt vorbrenge. Als dat Scheff ävver ongerjeehd, weed Norma a Land jespold, jenau op d Insel, wo Phillip Fletcher läävd. Dä kömmert sich öm sö, di sich dörch dä Schock wi ö kleen Kengk vorhäld. Norma weed öt Model va Phillip. Ön Skulptur va Norma jeroohnd en d Häng va Harry LeRoy, dä dorop hen op d Insel kütt. Dä well Norma verjewaltije. Beij dä Kampf stervd Harry un Norma weed wärm di Vrau, di sö vreuer woch. Philipp beschlössd zwar, Norma wärm no d USA z brenge, ävver als hä no sing Hött zöröck kütt, vängd hä Norma als Skulptur nakß dovöör stoh. Di zwei jestönd hör Leevde.

D Rolle

• Audrey Marie Munson spelld Norma
• Nigel de Brullier als Phillip Fletcher
• Eugenie Forde als Normas Mamm
• William Stowell spelld Harry LeRoy

Technische Informatiune

Dä Film hod ön Längde va 300 Meter, watt enn Roll entsproch. Hä wood em 35-mm-Format jedriihnd. Dä Film es net mi erhalde.

Jätt z lääse

• Övver dr Film

• Technische Date