He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Cincinnati es ön Stadt en dr Bundesstaat Ohio en d USA. Met ca. 330.000 Äwonner es öt d dreid jrüützde Stadt, di Ohio opzöbeehne had. En d jrüßer Jäjönd öm Cincinnati wonne sujar 2,1 Milliun Mänsche, wobeij ävver och Lüüh us dö Staate Kentucky un Indiana metjözälld wäde.

Wo öt op d Kaad z vänge es Ändere

Cincinnati lid jönau do, wo di 3 Staate Ohio, Indiana un Kentucky aneestüsse. Wä well, da kann zövoss no Kentucky jo, d Roebling Hängebröck vorbängd Cincinnati met dat op di anger Sii van dr Floss Ohio lijende Covington.

Jätt va vreuer Ändere

Cincinnati entstäng em Joohr 1788 als en van d ischde Städt en öt Nordwestjöbiid. Damols wooch öt ävver mä ö Soldatelajer. Als dr Miamikanal väädisch wood un Cincinnati an d Baahn ajöschlooße wood, jäng öt met öt Städtche bärchop. Öt woode mi un mi Lüüh, di dohä trocke. En di ischde Joohre läävde völl Amerikkaner en d Stadt. Öm 1850 ändernde sisch dat ävver. Us Dütschland trocke mi un mi Lüüh dohen. Dat jäng ösu witt, dat bes zo 60 % van öt Volk dütschlandstämmich woch.

Wo dr Naam herkütt Ändere

Cincinnati had singe Naam van Lucius Quinctius Cincinnatus, önö Soldat em alde Rom erhalde. Hä sold domet jöiirt wäde.

Watt sisch azökikke luuhnt Ändere

Wä sisch öns Cincinnati akikke well, dä moss dörch d Ennestadt jo un sisch Tyler Davidson Fountain, dr vreuere Fountane-Square, d Platsch met dr jruße Sprengbrunne akikke. Va do us es öt net witt bes no d Roebling Hängebröck. Ovvends had mo önö schünne Bleck op d Huchhüüser met dr 175 m huhö Carew Tower suwi d U.S. Bank Arena. Öt Riverfront Stadium jitt öt jo net mi. Em September weed ä Cincinnati öt Oktoberfess jöviihrd.

Jätt z lääse Ändere