Fräulein Seifenschaum
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Fräulein Seifenschaum, op Ripuaresch Vräuche Seefeschumm, es önö dütsche Stommfilm us öt Joohr 1915. D Rejii hod Ernst Lubitsch. Dä Film jilt als vorloore.
Övver dr Film
ÄndereDä em Joohr 1914 jedriihnde Film wood am 25. Juni 1915 ä Berlin öt ischde Mol öt Volk en d Kinos jezeechd. Hä hod ön Längde va 350 Meter un es dr ischde Film, ä däm Ernst Lubitsch Rejii jöhad hod. Usserdäm wood Fraulein Seifenschaum va Lubitsch produzeerd un hä spelld sälvs ön Roll va d Persun Ernst.
Woröm öt en dä Film jäng
ÄndereEn di Zitt van dr Ischde Weltkresch wäde alle Lüüh no öt Militär äjötrocke. Su jeed öt och dr Eejedömmer van önö Friseurlade. Öm däm net schlösse z mösse, kömmere sisch Vrau un Doohter öm öt Jeschäff. Di jong Vrau seefd d Konde en un d Mamm nämmd dr Bart aav.
Ernst, önö Kond, kütt en dr Lade un werpd ö Ööhjelche op d Doohter, d Mamm sitt dat net jäähr un werpd häm us dr Lade öruss. Ävver Ernst jeehd net alleen, hä nämmd d Doohter met. D Mamm rast hänger di 2 her un ön weld Jachd jeehd los. Isch op ö Boot nämmd dat ö Äng un Ernst häld öm d Hand van d Doohter a.
Si Äng vängd dr Film als öt Vräuche Seefeschumm hörö Ernst raseerd un häm dobeij döck schniid. Beij jedde Schnett moss sö häm ö Bützje jävve.