Nofretete
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Nofretete woch d Vrau van dr Farao Echnaton. Övversatze heecht Nofretete „D Schünne es jekomme“. Dörch dä Jipskopp en öt Ald Museum ä Berlin es Nofretete weltbekannd woode.
Höör Lääve
ÄndereAls jong Mädche hat Nofretete Echnaton jehiirod un met häm 6 Mädcher krääje. Wivöll Jonge zo d Famelisch jehoote es net bkannt.
Angisch als beij d anger Faraos wood öt Privatlääve van dat Paar bekannt. Su zeeje Belder Echnaton, Nofretete un hör Kenger, jätt dat vörhen onmöjjelich woch. Angisch als beij vreuere un spiidere Faraos brüdde di 2 kenn Huchpriistere. Uss Steebelder va Nofretete schlosse d Jeschichtswesseschaftler, dat Nofrete selvs ön Huchpristerin woch. Övv dat stemmt – kenne kann öt jenau saare.
Övver d Vorwandschaft kann net völl jesaat wääde. Öt sitt ävver ösu uss, dat Nofretete d Dootr va Chattusiel III. un d Nävvevrau va Amenophis III. woch. Dat bedüüt dat Echnaton d Nävvevrau va singe Papp hiirode.
Rejentin
Ändere
En di Zitt va Echnaton woch Nofretete ön Art va Metrejentin. Dat erkännt moch an di Art un Wiiß, wi s dojestalld es – jenau wi önö Farao.
Öt jitt sujar ön Teorii, dat s länger als höre Mann jeläävd hat un Äjüpten alleen rejiirt hat. Dono es Nofretete dr Farao Semenchkare.
Wann un wodörch Nofretete storv es bes hüü net bkannd. Öt weed ajenomme, da töt dat Joohr 1338 vöör Christi Jebuurd woch. Ävver sescher es dat net. Wodörch Nofretete ör Lääve vorloor es net jekläärd. Önö Mort ka net ussjeschlooße wääde.
Dr Kopp va Nofretete em Museum ä Berlin
ÄndereAm 6. Dezember 1912 vong Borchards Lu önö Jipskopp va Nofretete, däm hä met d Jenemijung van d Rejiirung no Dütschland braad. Hüüzdaach es d Kopp en öt Ald Museum op d Museumsinsl ä Berlin ussjestalld.
