Naturschotzjöbiit Perlebach-Fuhrtsbachtal
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Öt Naturschotzjöbiit Perlebach-Fuhrtsbachtal es ö Schotzjöbiit, dat en d Eefel litt. Öt es bökannd dörch sing Narzisseblötö em Vröschjoohr.
Jätt va vreuer
ÄndereJeed mo lang, dat heechd vöör öt 12. Jahrhondöt, zöröck, dann vong mo en di Jäjend, di hüü Schotzjöbiit es, Böschebösch. Dä wood dann aavjöhouwe un dat Land van d Buure jönotzt. Di hand do dö Kööh un d Verker laufe losse. Jäddes Joohr spold dä Baach Wasser övver dö Bende. Dat düngde dor Boohm und mi woch net nüüdisch. Eemol em Joohr wood jömiind un dat Heu vöör dr Wengkter äjövaarö. Sonß soch mo kee Mänsch op dat Stöck Land öt Joohr övver.
No dr Zweide Weltkresch planzde sö en öt Tal Dänne an. Domet woch mi Jeld zö vordeene als met öt Heu, dat dörch Kunstdünger op oppe Bende mi Ärdrach braad. Di Dänne woore ävver vöör di Planze Jeff. Sö krääte kee Lett mi un jängä kapott.
1976 entscheed mo sisch, di Jäjend onger Naturschotz zö stelle. 1980 woode d Dänne ömjöhouwe un am Baach Erle jöplanzd.
Planze un Deere
ÄndereDi naaßö Bende hand Äfloss of di Planze un Deere, di do lääve. Övver 360 Planzezoote vängd mo en dat Schotzjöbiit, doronger 70 Mooszoote, doronger och Planze, di op d Ruuh Liiß stönd. Nävver Planze lääve do och säldä Deere, doronger noch komm z vängende Schmetterling, Libelle un Moschele. 80 Zootö va Veuel vleeje dörch di Bööhm öm öt Baachbätt. Watt öt Perlebach- un Fuhrtsbaachtal ävver usszeechnet, send di ca. 10 Milliun weld Jääl Narzisse, di do waaße. Jeddes Joohr träcke sö Turiste a, di met dr Auto övv der Bus no do kommö.