Jerry Brown
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Edmund Brown Jr. (* 7. April 1938 ä San Francisco, Kalifornie), dä meeßd mä Jerry Brown jenannd weed, es önö Politiker van d Demokrate en d US-Staat Kalifornie. Am 3. Januar 2011 wood hä Juverneur van dä Staat un domet Nachvoljer van dr vreuere Juverneur Arnold Schwarzenegger.
Si Lääve
ÄndereJerry es dr Jong van dr vreuere Juverneur va Kalifornie Pat Brown. No singe Schüllaavschloss hod hä vöör, Pastur z wäde, entscheed sisch ävver angisch. Hä studiirde d Molerei, ändernde dat ävver wärm un wood Räätsvordriiner, ö Studium, dat hä ä Yale maade. Em zweide Aalouf schaffde hä öt, Räätsvordriiner z wäde, önö Berof, däm hä ä Los Angeles nojäng.
Va 1960 a voorwerkde hä en d Politik öröm. Su woch hä jäje dr Kresch ä Vietnam. 1970 wood hä Secretary of State van dr Staat Kalifornie, önö Poste, dä häm bekannd made. En di Zitt trock hä jäje jruße Firme vöör Jericht, weil di Jeld a Parteie jejovve hodde.
Als Ronald Reagan singe Poste opjoov, övvernomm Jerry Brown däm un wood Juverneur va Kalifornie. Hä vorsood, ohne dä janze Pronk uszökomme, däm sing Vörjänger öm sisch hodde. Usserdäm wood hä dodörch bekannd, dat hä sisch vöör d Räte van Vraue äsatz.
En d Joohre 1976, 1980 un 1992 vorsood hä Präsident z wäde, scheiterde ävver at am Aavang. 1982 joov hä singe Poste als Juverneur va Kalifornie op, ävver och dono bleed hä met d Vengere net us d Politik. Su woch hä va 1998 bes zm Joohr 2010 Börjermeester va Oakland.
Am 8. Juni 2010 hod Jerry Brown beij d Juverneurswahle d meetzde Stemme van all Kandidate van d Demokrate jewonne. Am 3. Januar wood hä Nachvoljer van Arnold Schwarzenegger.
