Finis Terrae
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Finis Terrae es önö Stommfilm, däm d Franzuse em Joohr 1928 driinde. Metjöspelld hand Ambroise Rouzic, Francois Morin, Gibois un Jean-Marie Laot. D Kamera bödeende Goesta Kottula un Jean Epstein kömmernde sisch öm d Rejii.
Woröm öt en d Film jäng
ÄndereOp di Insel Bannec läävde 3 Mond em Joohr viir Männer, di do mi schlääd als räät dörchkoome. S vaare jädde Daach met hön ald Boot op öt Meer öruss un sammele Tang, ön Wasserplanz, di s met öt Boot a Land brenge. Do weed dat Zeuch jödrüüd, iih öt en zwei Övvend vorbrannd weed. Us di Eisch weed Salz jöwonne, dat s vorkoofe, öm domet Jeld vöör d Famelije z vordeene.
Beij önö Stritt schniid sisch enne van di Viir en dr Venger. No ön Zitt vängd dat a z schwääre un Ambroise, däm dat passerd es, weed schwoch krank un oohne Hölp wööd hä sterve. Ävver op di Insel jitt öt kenne Doktr un sing enzije Schangß es öt, met ö kleen Boot övver öt Meer no d näkßde Insel z komme. Jean-Marie helpd häm dobeij. Ävver och van d anger Sii röcke d Lüüh a. D Vraue van öt Dörp orjaniseere dat.
Finis Terrae es önö bösongere Film. Hä stüssd an d Jrenze, di dr Film Ängß van d Dressijer Joohre erreiche kutt. Finis Terrae zeechd öt rau Lääve van d ärm Söck en d Bretagne. Finis Terrae kann tösche Spell- un Dokumentarfilm äjöochned wääde. Öt välld op, dat d Schauspeller sisch sälvß spelle.
Ö Joohr spiidr jitt Epstein di Zoot Filme op, schubbd hä övver d Avangard un vorsöckd sisch em Realismus.