Enner-Chinesische Leopard
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Dr Enner-Chinesische Leopard (Panthera pardus delacouri) es ön Ongerjrupp van d Leoparde, di ä Südostasie un Südchina läävd. Em Joohr 2008 wood sö zo dö bedrohde Deere jezalld.
Ä watt vöör Länder sö lääve
ÄndereMo vängd d Enner-Chinesische Leopard ä Myanmar, Thailand, Malaysia, Laos, Kambodscha, Vietnam un Süd China. Dö Zaahl van d Deere had övverall stärk aavjenomme. Su veel sö ä Myanmar ösu, dat d Deere hüü z daachs bo als usjestorve jelde. Ä Thailand schingd öt jätt besser z see. Do woode ö paar Leoparde ongersood ön dat Jebiit, dat sö dörchströrve bekekke. Völl schingd dova aavzöhange, övv sö jenoch Voohr un möjelichst winnije Mänsche en d Nöhde hand. Em Jebiit tösche Thailand un Malaysia wood vorsood, op d sälve Aart un Wiiß Leoparde z beobachte. Dobeij woode ävver mä 2 jeseeh, watt dovör sprechd, dat sisch do komm welche ophalde. Ä Südmalaysia lääve ö paar Leoparde en önö Nationalpark un könne do beobachtet wäde. Övver d Zaahl va Leoparde ä Südchina es nüüß bekannd.
Watt d Leoparde öt Lääve schwoch maad
ÄndereDr Läävensraum vöör d Leoparde weed knapper un knapper, su dat sö komm noch jätt z vrässe vänge könne. Bööhm wäde aavjehouwe un us Bösche wääde Bende. Stroße wäde jeboud un Hüüser stönd do, wo vöör ö paar Joohre noch dichte Bösch woch. Kenn Platsch mi vöör Leoparde. Usserdäm weed och hü noch op Leoparde jeschooße un hön dat Väll övver d Uuhre jetrocke. Öt es zwar vorboone, ävver d ärm Söck en di Jäjend bruche jädde Jrosche. Su woode tösche 1991 un 2006 215 Deeler va 177 Leoparde ä Myanmar op dr Maat zm Vorkoov aajeboohne.