El-Qaeda

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

El-Qaeda es ö Nätzwerk va Terroriste, di a völl Ställe op d Welt Anschlääch usjevüürd hand. Am bekanndste send di Attentate op öt World Treid Centr un öt Pentajon, d Anschlääch vam 11. September 2001. Dobeij storve onjeväär 2600 Mänsche.

Ställe, wo el-Kaida Anschlääch vorübt hat

D Orjanisatiun

Öt wood vreuer dova jesproche, dat Osama Bin Laden d Orjanisatiun leite däng. Hüü z Daachs jlöövd moch dat net mi. El Qaeda hat ön eeje Dünamik entwäggelt, di kenne enkele Chef mi nüüdisch hat. Völl enkele Jruppe sollte onger dä Naam zsammejefasst wääde. Dat Jeld, dat jebrudd weed, stammt döck us dr Handel met Droje. Ävver och öt Jäld van Osama Bin-Laden, dat send onjeväär 300 Milliun Dollar, steeht d Orjanisatiun zor Verfüjung.

Wi öt aavong

Aajevange hat dat domet, dat d Russe no Afjanistan koome. Öt entwäggelde sisch önö Weerstand jäje di Soldate. Dozo jehood Osama Bin-Laden, da vorsoot, us Pakistan öruss, Afjanistan vrei z kriie. Langsam woss dä Weerstand jäje anger Natiune. Dozo jehoote och d USA.

Öm di Ziile z erreiche, vong el-Qaeda a, Anschlääch z vorübe. Dozo jehüüre:

• Vorsoode Anschlaach op öt World Treide Centr em Joohr 1993
• Anschlääch ä Saudi Arabie met 26 Duude en d Joohre 1995 un 1996
• Anschlach ä Nairobi em Joohr 1998 met 224 Duude
• Anschlach op ö US Militärscheff ä Aden (Jemen) met 17 Duude
• Anschlääch am 11. September 2001 met 2600 Duude
• Anschlach op Bali met 202 Duude em Joohr 2002
• Anschlääch ä Marokko, Saudi Arabie un d Türkei met onjeväär 100 Duude em Joohr 2003
• Anschlach op Zösch ä Spanie met 190 Duude em Joohr 2004
• Anschlääch ä London, Äjüpte un Jordanie met 200 Duude em Joohr 2005