He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

D Bröss van dr Tiresias es ön Oper va Francis Poulenc. Guillaume Apollinaire schreev dat, watt jesonge wood, em Joohr 1903. Dörch sing Oper wood dä Bejreff Surrealismus äjevührd.

"D Bröss van dr Tiresias" op d Bühn

Am 3. Juni 1941 hote d Lüüh di Oper öt ischde Mol, als sö ä Paris en d Opéra-Comique opjevührd wood. Di Oper, di em Joohr 1930 spelld, wood va Poulenc 1939 jeschrävve. Öt durde ävver bes 1944, iih s vädich woch. Sö spelld, angisch als em Buch va Apollinaire vörjeseeh, en Zanzibar, dat en d Nöhde va Monte-Carlo litt.

Woröm öt en di Oper jäng Ändere

Dat Stöck vängd domet a, dat dr Theatrdirektor d Lüüh vöör d Bühn sätt, dat öt en dat Stöck doröm jeeht, dat di Mänsche völl Kenger mache sölle.

Theresia läävd met hörö Mann jlöcklich en d Stadt Zanzibar. Di Zwei komme op d Idee, d Rolle va Mann un Vrau z tusche. Theresia lätt hör Bröss, zwei kleng Bollongs, platze un weed zo önö Mann. Va do a nennt höt sich Tiresias. Hörö Mann weed zo ön Vrau. Als sich d Mänsche wongere, sätt sö, da töt d Opjaav van d Mänsche es, su völl Kenger z mache wi möjelich. Su brängt Tiresias a enne Dach 40.049 Kenger op d Wält.

Wäje di jruuße Zahl Kenger jeht dr Staat öt Jeld us, un ön Hongersnut brecht us. Als Tiresias jevrood weed, wi mo öt schaffd, ösu völl Kenger dörch z vohre, sätt sö, dat dat net schwoch es, öt jööv ja Lävensmeddelmarke. Zm Deel wöre di Kenger och at ösu jruuß, dat sö vöör sich sälvs sorje kütte.

Am Äng entscheed sich Tiresias, wärm ön Vrau z wäde, un och hörö Mann weed wärm su, wi hä vreuer woch.

Jätt z läse Ändere