Breenijerberch

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Dr Breenijerbersch, dä amptlich Breinigerberg heescht, es e van 19 Stadtdeele, di zo Stolbersch jehüre, wat enn van de jrüüdste Städt em Kreiß Oche es. Dr Breenijerbersch jehüüd en dr Bezörk Kölle. Op dr Bersch wonnde am 31. Dezember 1999 jenau 971 Lüü. De hüüdste Stell is dr Schlangebersch em Naturschotzjebiet Schlangebersch. Hä es 276 Meter huch.

Dat es dr Breenijerberch wenn mor van der Schlangebersch kickt

Övverseesh
Bundesland:	Noodrhing-Weßßfaale
Rijierungsbezörk:	Kölle
Landkreijs:	Kreijß Oche
Wi vill Lü wohne he?	971 (31.12.2005)
Pooßleijzahl:	52223
Vüürwahl:	02402
Wo iss dat jenau?	Koordinaten: 50° 44' N, 6° 14' O
Autokennzeijshe:	`AC`

De Hauptstroß, die jenau dörch dr Breenijerbersch jeht, verbengt Breenich mit dö Kreuzung am Nahtijällche.

Im Oste vam Breenijerbersch vängt dr Stolberjer Bösch met dr Schlangebersch a. Dä es bekannt dörch sing Jalmeiveilcher un all die anger Blomme, die mä do wahse, wo Jalmei em Boohm is.

Vreuer woore ob dr Bersch völl Kulle. Doren hodde sö no Jalmei jebuddelt, öm doruss ä Stolbersch Messing zö mache. Sälf hü merkt mo noch an Name wie dr Bleiweg, dat he no Erz jejraave wood.

Unjeväär 100 Joohr vöör Christi Jeburt hant he at die Römer jeläävt. 25 Münze un Reste van Hüüser had mo he jevonge.

En de alt Hauptschüll, die 1988 zojemaat woode es, had dr Heimatverein ö kleng Museum ajelaad. Do weed jezeecht, wat mo övver dr Schlangebersch weeß.

Op Bösbijer Sie do litt dor Brockebersch un dr Bäresteen. Do wahse och Jalmeiveilscher, die öt mä do jitt, wo Jalmei em Boohm es.

Dr wichtichste Daach vör de Breenijerberger es enn Wääsch no Pingste. Da viere de Hahne Kirmes.

Dr Spetznaam vöör d Lüü vam Breenijerbersch es Balkanese.

D Balkanesen es dr Karnevalsverein vam Breenijerbersch.

Weblinks

Dat is d Sie van Breenich un dr Breenijerbersch im Internet (ä Huchdütsch)

Jätt z Kikke

Commons: Belder us Stolbersch – (ä Huchdütsch)

Ööt un Veedelle em Stolbersch