Anna Boleyn (1920)
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Anna Boleyn es önö dütsche Stommfilm us öt Joohr 1920. Dä Film es ä sääß Akte ongerdeeld.
Övver dr Film
ÄndereWä spelld met
ÄndereD Hauptfijur en dr Film, Anna Boleyn weed va Henny Porten jespelld. Emil Jannings woch em Kostümm va Könnig Heinrich VIII., Paul Hartmann bösatz d Roll va Heinrich Norris.
Woröm öt jeehd
ÄndereVorzalld weed, watt Anna Boleyn beij hör Röckkehr no Ängland erläävde. Mo erveehrd, dat Könnig Heinrich VIII. ö Öhjelche op hör jöworpe hod. Hä es zwar met Katharina vorhiirod, ävver dat stüürde häm net. Anna Boleyn hod Heinrich Norris jötroffe, däm hät als Kengk jäähr jöhad hod, ävver dat Vorhalde vam Könnig vängd öt su schünn, dat öt d Hand va Heinrich Norris ussschleed. Dr Könnig trennd sisch va sing Vrau, da Katharina häm kenne Jong jöboore had. Ön Scheedung moss dr Papst zostemme, watt hä ävver net deed. Heinrich entscheed dorophen, dat sisch d Kerch ä Ängland van dr Vatikan trenne soll, worus spiir d anglikanische Kerch weed. Öt Volk woch zwar dojäje, ävver dr Könnig hiirod Anna Boleyn.
Als dr Könnig beij ön Feier sisch met ön Vrau us dr Stöpp maad un vremd jeehd, söcke och Anna un Heinrich Norris no häm. Beede treffe sisch, ävver Anna bliid hörö Mann treu. Heinrich VIII., dä jöhood had, dat sing Vrau ä Ömständ es, kütt wärm zo Anna zöröck.
Als Anna statt dä erhoffde Jong ö Mäddche, dat spiir d Könnijin Elisabeth I. wäde weed, zr Wält brengd, vorlüsst dr Könnig d Vreud a Anna und läufd ön anger Vrau hängerher. Dä Roff va Anna liid onger dat Jöröch, dat sö ö Vorhältnis met Heinrich Norris ha sold. Öt kütt z ön Vorhandlung vöör Jerich. Heinrich Norris, dä zövöör jöfoltert wood, jösteeht, ö Küddelche met d Könnijin jöhad z ha un weed opjöhange. Anna jeht öt net besser, öt moss och sterve.