He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Robert Gabriel Mugabe (* 21. Februar 1924 ä Masvingo, Simbabwe) woor dr Chef van d ZANU-Partei un va 1987 a öt Staatsovverhaupt van dat Land. En d ischte Joohre wood hä als Spräächer van dr Süde va Affrika ajesee ävver dat ändernde sisch en d leitzte Joohre. Mi un mi hood mo häm vöör önö Diktator dä d Weetschaf va si Land äraavweetschafte deed. Hä wood am 21. November 2017 aafjesetz.[1]

Robert Mugabe (2009)

Si LääveÄndere

Mugabe wood en öt vreuere Rodesie jeboore un studiirde an d For-Här-Universiti. Dono maade hä si Studium an önö Hoof anger Stelle ä Afrika wiir un werkde zm Deel och do. Ä Jana liirde hä sing Vrau Salli kenne, di ävver 1992 storv. Mugabe hiirode spiir sing Sekritärin.

Mugabe en d PolitikÄndere

Em Joohr 1960 koom Mugabe no Rodesie zöröck, vortoon ön marxistischö Ästellung un wood Chef van dr radikale Vleuel van d ZANU-Partei. Hä koom vöör 10 Joohr en öt Jevängnes un kämpfde dono jäje d Wisse ä si Land. Als d Ängländer d wisse Rejiierung dörch ön schwazze ersatz, wood Mugabe am 4. Määz 1980 zm Premiemenester jewäählt. En di ischte Joohre vorsproch Mugabe dat ä si Land Schwazz un Wiss zsammelääve kütte ävver dat ändernde sisch bald. Sing Politik wood radikaler un radikaler. Sing Jeschner woode ongeerjebottert, d Weetschaf ä si Land jäng kapott un watt vreuer ö Land met d beidste Schülle ä Afrika woch, dat wood ä Äntwicklungsland. Mugabes Lüüh braate 1982 onjeväär 20.000 Mensche öm.

1987 schaffte Mugabe dat Amt „Premiemenester“ aav un maade sisch zm Präsident. Ön Oppusitiun joov öt bo net. S wood met Jewalt ongerdröckt. Mugabe notzde alles watt sing Positiun stärk maade. Beij Waahle en d Joohre 1990 un 1996 wood Mugabe ä si Amt bestäticht. Hä jovv bekannd, dat su lang hä läävde, Simbabwe kenne angere präsident ha weed.

Als en d 90er Joohre d Apartheed ä Südafrika z Äng jäng, Mugabes Vrau storv un komm noch Jeld ä si Land koom vorschärvde sisch sing Politik noch mi. Mi Köpp rollde.

1998 jreffe sing Soldate dr Kongo a.

Z ön Hongersnuut koom öt als Mugabe am Äng van d 90er Joohre d Wisse öt Land aavnoom. Hä hod erwaat dat d Schwazze öt schaffde, si Land z vorsorje ävver dat fluppde net. Simbabwe wood ärmer un ärmer.

Ömsträddene Waahlsiije joov Mugabe en d leitzde Joohre bkannd als hä Morgan Tsvangirai bösiichde.

WebsijjeÄndere

QuelleÄndere

  1. Kölnische Rundschau - Simbabwe: Regierungspartei leitet Mugabes Amtsenthebung ein