Marc-Antoine Berdolet
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Marc-Antoine Berdolet (* 13. September 1740 ä Rougemont-le-Château; † 13. August 1809 ä Oche) woch önö kattolische Pastur un Bischoff va Oche.
Jätt va vreuer
ÄndereMarc-Antoine wood als Jong van dr Liihrer George Berdolet un sing Vrau Marie Jeanne geb. Gatois ä Frankreich jeboore. Nodäm hä sing Schüll aavjeschlooße hod, woohl hä Pastur wäde un wood spiir dozo jeweihd. Sing ischde Ställ kräät hä ä Phaffans, wo hä och als Dechant wonne bleed. Hä wood ärch dörch di Ideee van d Opklärung beäflossd. Sing Vörstellung veehle ävver ösu op, dat hä van d Jakobiner beij d Französische Revolutiun vassjenomme wood. Isch als Robespierre sing Positiun opjävve mood, koom hä vreij.
No önö Entscheed van ö Nationalkonsil wood Berdolet zm Bischoff jewähld un am 15. August 1796 ä Colmar jeweihd. Hä leed sisch ä Soultz-Haut-Rhin neer, ävver opjrond van öt Konkordat woch hä em Joohr 1801 – zösamme met all di anger Bischöff – jezwonge aavzödanke.
Met Hölp va Joséphine, dö Vrau va Napoleon, wood Berdolet 1802 dr ischde Bischoff va Oche. Singe Kenntness van d dütsche Sproch holp häm dobeij. Dö Öcher kutte häm jott liihe, un öt es övverlävverd, dat hä döck dörch si Bistum reisde.
Beij ön Tuur va Koblenz us no Oche em Joohr 1808 erledd Berdolet önö Blottsturz. Öt Joohr dropp storv hä am 13. Aujust un wood op dr Öcher Ostkerchhoff bejraave.
Jätt z lääse
Ändere