Klusterruin Stuben
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
| Klusterruin Stuben!
| |
|---|---|
| |
| Jejründt: | 1137 |
| Ander Burje un Ruine | |
D Klusterruin Stuben woch ö vreuer Kluster van dr Aujustinerorde. Öt steeht an dr Rand van dr Ocht Bremm an d Mosel.
Sing Jeschichte
ÄndereÖt vong em Joohr 1137 a, als dr Jrondbesetzer Egelolf önö Deel va singe Besetz an öt Kluster Springiersbaach vormaade. Dorop solld ö Kluster jebouwd wääde, ä däm sing Doohter Nonn wääde solld. Seij wood d ischte Abtissin va Kluster Stuben. Dö janze Zitt ongerstäng Kluster Stuben öt Kluster Springiersbaach.
Öt wood flott ajevange und 1137 stäng at ösu völl, dat di Kerch dr Hellije Nikolaus jeweiht wääde kutt. Dat Kluster woch ösu ussjelaad, dat 100 Nonne, öt weed va 100 Jongvraue övv Widwe jesproche, dorä Plaatsch hodde.
Damols loch das Kluster op ön Insel, Moselärm leefe op beede Siije öm das Klusterjebäude öröm. Doher nannte sisch die Nonne, d sorores de insula beati Nicolai in Stuppa, watt ösu völl wi Schwestere von di St. Nikolaus-Insel heescht.
1140 koom noch jätt zm Kluster dozo. Su jehood d Kerch va Neef va do a zo Kluster Stuben. Dr Ärzbischoff Albero schenkte di Kerch öt Kluster. 1184 koom och noch dr Hof Lönich dozo.
1208 kräät öt Kluster sing wichtigste Relikwie, d Staurothek. Ritter Heinrich va Ulme hod di op önö Kreuzzoch ä Konstantinopel metjo losse. Bes dohin woch di in d Hagia Sofia. Dat Sanktuarium stammde us öt 10. Joohrhondöt. Vöör dat jo Stöck hod mo em Kluster ön besongisch Plaatsch, d Krüzzkapell.
Vöör 1352 jäng öt dat Kluster net jott. D Ernte wore su schläät, dat d Nonne dr Ärzbischoff va Triir bädde moote, winnijer Nonne em Kluster z losse. Di Zaahl va 100 wood isch op 40, dann op 30 öraav jesatze.
1512 koom prominänte Besöck. Dr Kaiser Maximilian I. övvernaade tösche d Klustermuure.
Richard va Greiffenklau sorchde dovöör, da töt em Kluster net mi ösu streng zojäng. Dat met di Kleer un och öt Vaaßte wood net mi ösu streng jenomme.
1695 wood di alt Klusterkerch aavjeresse un dörch ön neu, em spiijotische Stil jebouwde ärsatze. Äjeweiht wood di 1697. Di Muure send bes hüü z seeh un stelle di Ruin van d Belder do.
1789 wandelnde Kurfürst Clemenz Wenzelslaus va Triir dat Kluster en önö wältlich Voreijn öm.
1794 koome d Franzuse. D Nonne moote aavhouwe, un dat Kluster wood opjelößt. No önö Beschloss van dr Wiener Kongress us öt Joohr 1815 veel di janze Jäjend a Preuße un wood Besetz van dr Staat. Dä kutt ävver net völl domet aavange un vorsteijerde alles an d Nobberochte Bremm, Ediger un Eller.
1927 vong mo a, dat vorvallende Jemüür z sischere, denn d Lüüh wood klar, dat d Jeschichte van dat Kluster net vorjeiße wääde dorf.
Em Joohr 2001 vong mo domet a, en di Keije z buddele, Ussjrabunge nänne dat d Jeologe. Dobeij vonge s Reste van d vreuer Klusterkerch un och Reste van öt ald Klusterjebäude suwi Stöcker van d Krüzzkapell, wo vreuer d Staurothek opbewaahrt woode woch.
Jätt övver dr Bouw
ÄndereVan d vreuere Klusterkerch send alle Muure bes op d Westmuur erhalde. 45 m lang un 10 m breed es dat, wad övverich blävve es. Öt es noch z erkänne, wo d Bischtstööhl stänge, un och dr Krüzzjang kann mo noch dörch Löucher vöör d Daachbalke aahne. Dr Altar van d Kerch steeht hü z dachs en d Kerch St. Hilarius ä Ediger-Eller. Önö Steehaltar steht en d Reichsburch va Cochem.