Jip en Janneke
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Jip en Janneke heis en Reih vun holländesche Bööscher för de Kleine, dijet Annie M.G. Schmidt jeschreve hät met Belder vum Fiep Westendorp. Se sen en Holland alljemein bekannd un mer säht, se wöhre en en janz einfaache Schprohch jeschrevve un derbei och noch wezesch.
Wähje dä eijfaache Ußdrokswihß sen se för et Holländesch-Lihre joot ze bruche.
Aanfänglesch wohre di eezde Schtöckscher en Het Parool ze lässe, woh se nit övver 250 Wööter lang wohre. Zwesche em 13. Säptämber 1952 eun em 7. Säptämber 1957 kohm doh jeede Woch e Jescheeschje erus, wovun jeedes för sesch kumplätt wohr. schpääder kohme se norrens zesamme en enem Booch op der Maat, un se wohte en en Aanzahl vun Schprohche övversaz. Doh dronger sin Lating, woh se Jippus et Jannica heeße un Mandarin Schinehsesch als Yǐyǐhéyāyā, un et eijfaacher jemaate Schinehsesch mem Tetel 乙乙和丫丫, un och en Änglesch onger dä nahme Mick and Mandy, Bob and Jilly, un zerläz als Jip and Janneke. En deutsche Fasong jiddet och als Heiner und Hanni. Zig 2009 hät sesch och de Walt Disney et Rääsch jekouf, Jip-&-Janneke-Katuhne ze maache.
De Jip-en-janneketaal
ÄndereAls Pänz han ville en Holland di Bööscher un Verzällscher vürjelässe krähje un se donn sesch joot traan äntsenne. Esu määd et nit Wonder, dat mer sesch och drob betrick, un esu jät säät, wi dat es wi bei Jip en janneke udder en Schprohch wi bej Jip en Janneke. Doh es en Holland e jevlööjelt Woot druß jewoode. Su kalle vun dä jip-en-janneketaal, alsu de Jip-en-Janneke-Schprohch, wann se en besönders eifache Aat ze schwahde meine, met koote Säz un klohre Wööt, di jeder ein verschtonn kann. Öff donn de Poleteker dernoh jriife, wann se meine, et mööt jäd esu verkliehrt wäde, dat och jeede Doof metkütt, un se saare dann jähn, dat se t noch ends en Jip-en-janneketaal verzälle dähte.
