Burning Man

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Burning Man, op Ripuaresch heechd dat Vorbrannde Mann, es ö Fess, dat jeddes Joohr en d Wüste va Nevada jeviird weed.

Dr „Vorbrannde Mann“

Alljemeenes

Dat Fess vängd jeddes Joohr em September a un duurd 8 Daach. Am 6. Daach weed ön jruuße Strüühpopp, dr Burning Man, ä Brand jestoche. Dat joov dat Fess dr Naam. Wä dr Burning Man besöcke well, dä moss z Voss övv met öt Vahrrad övver öt Jelände jo. Usserdäm send Mutant Vehicles, dat send Autos, di als Konstwerke ömjebouwd send, zojelosse. Mö moss em Oohr behalde, dat öt beij dr Burning Man doröm jeet, Spass un Vreud z ha. Öt es ö jruuß Fess.

Jätt va vreuer

Burning Man ä San Francisco

Aajevange had dat em Joohr 1986, als Larry Harvey am Strand va San Francisco met 20 Persune ä Fess viirde. Hä soll Ärjer met d Leevde jehad ha. Dat Fess wederholde hä jeddes Joohr, wobeij d Zaahl van di Mänsche, di dr Burning Man besoote, jrüüßer un jrüüßer wood. Als 1990 vorboone wood, di Strühpopp am Strand z verbrenne, entscheed Larry Harvey sich, em Joohr 1991 dr Burning Man en d Wüste va Nevada z viire. Un su bleed dat.

Burning Man en d Wüste

Us dat kleen Treffe va 20 Mänsche ä San Francisco wood ö jruuß Fess, dat en d leitzde Joohre va mi als 47.000 Lüüh besood wood. Di Strühpopp es net mi dat kleen Pöppche, dat 1986 am Strand stäng. Sö es 12 Meter huch.

• 
  Deelnämmer
• 
  Deelnämmerin “Ovve ohne” un Deelnämmer em Kostümm
• 
  Deelnämmer em Zelt

Va 1995 a had jedde Burning Man ö Motto. Öm di Platsch jeddes Joohr wärm nötze z könne, achte d Lüüh dorop, dat no öt Fess jott opjerümmt weed un kenne Apvall öröm litt.

Jätt z lääse

• Dr vorbrannde Mann