Weisweilers Hennes
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)
Dä Weisweilers Hennes wood aam 5. Dezember em Johr 1919 en Lechenich bei Kölle jeboore un als Hans Weisweiler jedeuf. Hä es aam 5. Juli 1983 en Aesch bei Birmensdorf en de Schwäijz jeshtorve un woo ene Fooßballshpeller un Trääner.
Hä hät sesch enen Name jemaat beim 1. FC Kölle un bei Borussia Mönchengladbach. En der 1970er Johre hät mer övver en jesaat, hä wör der beste Fooßballträäner en singe Zick.
Aanjefange hät hä beim VfB Lechenich un wohr dann vun 1949 bes 1952 beim Kölsche BC 01, donoh bes 1954 beim Rheydter Spielverein, dann 1954 un 1955 beim DFB als Assistänzträäner för de Nazjonaalmannschaff, dann vun 1955 bes 1958 widder beim 1. FC Kölle, un 1958 bes 1964 bei dä Viktoria en Kölle, en dä Johre 1975 un 1976 bei Borussia Mönchengladbach, vun 1976 bes 1980 norrens beim 1. FC Kölle, en dä Johre 1980 bes 1982 bei New York Cosmos, un vun 1982 bes 1983 bei de Grasshopper Club Zürich, woh hä aan enem Häzschlaach jesturve es. Hä litt ävver en der Heimaat en Heddinghoove bejraave.