Theodor Storm

Hans Theodor Woldsen Storm (* 14. September 1817 in Husum; † 4. Juli 1888 in Hademarschen) wor enen nochtdoütschen Novelle_Shriivo un Deeshto.

De Familish vun sing Motte hätt ald zik Jenerazjoone in Husum jelääef. Do un en Lübeck eß zor Schull jejange, shtudeet hätte dann en Kiel un in Berlin Rääch. En Kiel woa hä och ene Frünnd vun Theodor un Tycho Mommsen, met dänne zesamme hä Saagen uß Shläßwish un Hollshtäjn sammele däät. 1843 joaven se zesame dat „Lederbook vun dree Frünnen“ eruß. En däm jlishe Joar hätt sish dä Theodor Storm als_enne Rääshßanwallt en singe Vattershtadt nidder un hieroadt 1845 sing äjen Kusiin, et Constanze Esmarch, di ald 1865 duud jeblivve es.

Met dä däänishe Rejierungk vun Husum doamoals koam hä avver övver krüttß un dröm hät hä im Joa 1852 singe Poßte voloare. Hä trood_en dä preußishe Deenß en, eetß als_enne Assessoe en Potsdam un em Joa 1856 as_enne Kreisrishto in Hillijeshtadt. Ävver sing Sääne no do Häjmaat vojing imm in_de Främbde nit. Wi Shläßwish-Hollshtäjn em Joa 1864 deutsch woat, doa koam dä Theodor Storm tirek no Husum zerökk, woa hä ne Landvocht woot un 1866 de zweete Ehe injingk med_dem Dorothea Jensen. 1867 woot hä Ampsrishto, un 1879 es hä opjeshtiije zom Ampsjereechtsroat. 1880 es hä Rau jetrodde un trok öm, noa Hademarschen. Doa es hä am 4. Juuli 1888 shliislish jestorve.

Theodor Storm woor anfangs mii enne Lürriko wi ene Novelleshrivo, un hä hät sish sellevs emmo soa jesin. En singe jedeechte spöet mer singe saachte natuur, sing vürneeme Shlishdishkäjt, sing fäjn hööshe Shtimmunge, un hüüot su jät wi de lejs Mussik dren. Sing enfache meloodishe Aat ze Vozälle hatt vill vun Läävensloßß aan sish, dobeij ävo och jet vun Drourishkäjt. Do is öff de Reed vun Verdroß mid_dem Leeve, vum vosüümpde Jlök, un shtelle Lejd.

De fröhe Novelle sin nit emmer jraad unnsentementaal jeshrivve, fö_n Bäjshpill nemm „Immensee.“ Shpääder saz sish dann mii ene kloorere Rejalismus dörch, wi em „Pole Poppenspäler,“ un dat Bäste vun däm Storm sing Wärreke, dat is de Novell „Der Schimmelreiter“ (Dä o_m Shimmel am rigge eß) wo_de Minsch un_de Natuur middenäjnn in_do Kammf jeroade sin.

Werreke

„Immensee“ (1849)
„Im Sonnenschein“ (1854)
„Gedichte“ (1857)
„Auf dem Staatshof“ (1859)
„Veronica“ (1861)
„Auf der Universität“ (1862)
„Die Regentrude“ (1866)
„Viola tricolor“ (1874)
„Pole Poppenspäler“ (1875)
„Aquis submersus“ (1877)
„Carsten Curator“ (1878)
„Hans und Heinz Kirch“ (1882)
„Zur Chronik von Gruishuus“ (1884)
„Bötjer Basch“ (1887)
„Der Schimmelreiter“ (1888)

Bööscher

Husumer Beiträge zur Storm-Forschung (HuB)“, beß jätß 5 Bände, Erich Schmidt Verlag Berlin, [ESV]
Storm - Briefwechsel (StBw)“, beß jätß 16 Bände, Erich Schmidt Verlag Berlin, [ESV]
Georg Bollenbeck: „Theodor Storm“, Insel Verlag Frankfurt/Main, (1988)
Regina Fasold: „Theodor Storm“, Bibliographisches Institut Leipzig (1988)
Winfried Freund: „Theodor Storm“, Kohlhammer-Verlag Stuttgart (1987)
Roger Paulin: „Theodor Storm“, Verlag C.H.Beck München (1992)
No-Eun Lee: „Erinnerung und Erzählprozess in Theodor Storms frühen Novellen (1848-1859)“, Erich Schmidt Verlag Berlin, (2005), 164 Seiten, 15,8 x 23,5 cm, fester Einband, ISBN 3-503-07927-0, [ESV]
Hartmut Vinçon: „Storm.“ rororo Bildmonographien, Rowohlt-Verlag Reinbek bei Hamburg (1999) ISBN 3-499-50186-4

Websigge

de Theodor Storm Gesellschaft iir Houpsigk (op deutsch)

Orjinaal Texde vu_m Theodor Storm:

Theodor Storm - (op gutenberg.de) (op deutsch)
Theodor Storm - (bäj DigBib.Org) (op deutsch)