Donn et Houpmenü opmaache
Hee di Sigg_is_op Bönnsch
(Sigge op Bönnsch)
unn jeshrivve wii_mer_t_shprish
(mieh Sigge jeshrivve wii_mer_t_shprish)

De Serge Tonnar, jebore de 3. Febrowar 1970 en Luxembuerch-Stadt, ess ene luxemburjesche Sänge, dä op Luxemburjesch singk. E jehüürt hüggzedaach zo dä beste luxemburjesche Mussiker, wann e net vleich sujar Besten ess (emme jemessen am Publikumserfolëch). Doför moss me allerdings wesse: En Luxemburch ess et jenau ömjekiehrt wie hee em Rhingland: Em Alldaach schwad jede Luxemburjesch, ävve luxemburjesch Mussik jit et net vill. Während jo hee de platt Mussek jruß Verbreitong hät, ävver em Alldaach emme mieh Huhdeutsch jeschwad wiërd. Jedenfalls, de Serge Tonnar ess eene, dä luxemburjesch Mussik noh vüre brenge well. On dat klapp em och.

2011 hät e sing drette Album Klasseklon erusjebrat, wo en Rötsch Hits drop sen. Vür allem dat Leed Belsch Plaasch ("Beljesche Strand") hät et de Lügg aanjedonn (obwohl de Serge Tonnar sät, hä künnt et att ni' mieh hüre...) Do verzällt e dovon, dat e alles hinge sich löt on noh Belje an et Mär fährt. Ävve wa'me Ripoaresch kann on em beste Fall noch e bessje Franzüsesch, do versteht me att dat mieste vun däm, wat e do singk.