Patrik Meyer
Patrik Meyer (*18.September 1968 en Rheenbaach) es ene deutsche Projekt- on Stadijonmanager. Hä hät 2010 die Usszeechnung "Executive of the Year" jekreech un woot domet zom beste Stadijonmanager für dat Johr jewählt.
Ussbeldung
ÄnderePatrik Meyer maat noh senge Schollzigg am Emil-Fischer-Gymnasium in Öskerche un dä Hüere Handelsscholl en Ussbildung als Bankkaufmann on jing anschließend zesamme met Jens Streifling on andere Musiker für ej Johr als Berufsmusiker noh Kanada on noh de Schweiz. Em Ahnschloss dodran hätt hä ahn de Fachhochscholl en Kölle Betriebswirtschaft stodeert.
Berufliche Karriear
ÄnderePatrik Meyer hät noh singem Studium eetz ens bei enem Konzertveranstalter en Kölle als ene kaufmännische Leiter un als ene Kontrohler jeärbeet. Hä hät sech unger anderem öm Konzerte vun de Rolling Stouns, vun dem Bon Dschovi, dem Meikel Dschäcksen, der Tina Tööner, dem Pavarotti un och noch von vell andere jekömmert. Darövver erus hät hä sich zo der Zigg öm dä Offbau von enem Konzertveranstalter in Luxemborsch jekömmert.
Als hä 1997 do dran kenn Loss mie hat, ös hä zor Kölnarena (oder wie dä Kölsche säät, ent Henkelmännche) jejange. Hä wohr do ald vüür dä Eröffnung vun däm Denge, dat höck Lanxess Arena heeß, evver och zo Zigge, als dat janze ald leef, als Verwaltungschef für alles zoständisch, wat met Rechnunge, Kontrolliere vun allem mögliche und met de Entrettskaate zo donn hat. Nevvebei hät hä och noch jeloot, ob die bei der Bauerei och alles richtisch maache.
Ahnfang 1999 hät sich Meyersch Patrik dann selbsständisch jemaat. Seit der Zigg ärbet hä als ene freie Projektmänädscher em Bereich vun de Konzeption, de Planong un dem Betrieb vun Stadije un Arene. Dorövver erus hät hä als ene Sachverständije für Event-Management verschiedene Versicherungen Tipps jejovve, die Risikobewertung un Schadensabwicklung maache moote. Als ene Event-Controller wor hä bej ingernazjonale Tourproduktione von Clear Channel (hück Live Nation) dobei un hät Tournee (unger anderem de Europa-Tournee vun dä Rolling Stouns) dorchjeföhrt un affjerechnet.
Für de Firma HSG Technischer Service GmbH (hück HSG Zander GmbH), met der Patrik Meyer ald bei dä KölnArena zesamme jeärbet hät, un dem Hamburger Sportvermarkter Sportfive hät Patrik Meyer dann zig Ahnfang 2003 die Akquise un die Inbetriebnahme vun dem Waldstadion en Frankfurt jemaat. Zig 2005 es hä do och Geschäftsführer vun dä Betreiberjesellschaft vun dä Commerzbank-Arena (Stadion Frankfurt Management GmbH) en Frankfurt am Main, demm Stadijon, en demm em Moment, also en de Säsong 2009/2010 die miegste Veranstaltunge in Deutschland statt finge. Zigg April 2009 es Patrik Meyer och noch Jeschäftsführer vun dä Firma TSP - The Sports Promoters GmbH, wat en Tochterjesellschaff von Sportfive es. Die sin für de Entwicklung, de Planung un dat Management von Sport-Events wie demm Race of Champions en dä ESPRIT arena wie jemaat on han Public viewings vun dä Fooßball-Weltmeesterschaff 2010 en de Stadije Dösseldörp, Frankfurt, Jelsenkirche un München jemaat.
Em Johr 2008 wohr Patrik Meyer emmer ens wedde en Warschau on hätt denne Tipps jejovve, wie se dat Nationalstadion Warschau baue solle, dat für de Europameisterschaft 2012 in Polen un in de Ukraine senn soll, un in dem onger anderem dat Eröffnungsspell stattfinge soll.
Als Jastdozent hät dä Patrik Meyer zig Johre für verschiedene Hochscholle (unger anderem für de Sporthochscholl en Kölle) un für verschiedene Fortbildungsprojramme ze donn un verzällt andere jet övver Management un Vermarktung von Sportstätte (unger anderem in Dublin, Stockholm, Orlando, Kiew, London und San Antonio).
Patrik Meyer es Mitglied vun de SMA (Stadium Managers Association). Dat es die Vereinigung, wo ene Deel vun dene Stadion-Manager dren sen.
Usszeechnunge
ÄndereEm Juni 2010 hätt Patrik Meyer die Usszeechnung zum "Executive of the Year" un domet zom beste Stadijonmanager vun däm Johr jekrääsch, die vun ejner Jury uss dä janze Welt ussjewählt woot. In de "Bild"-Zeitung vum 22. Juni 2010 woot hä dä "beste Stadion-Manager der Welt" jenannt. Bei de "Stadium Business Awards" woote en verschiedene Kattegorije erussrarende un usserjewöhnlische Leistunge em ingernazjonale Stadion- un Arena-Management ussjezeechnet. Die Preisverleihung wohr em Juni 2010 in Dublin, un do woren su an die 150 Stadijon-Vertreter us de janze Welt. Patrik Meyer hät dä Preis jekrääsch, obwohl och noch welche us Hampshire, Doncaster und San Francisco dä han wollte.