Klaaf:Pott (Köch)

Lemma-Titel

em Tex steiht: "Dä Lemma-Titel he es buchstabeet nohm Wrede". Dat stemmp esu nit. Domet dat Janze Hangk un Foß kritt, mööte mer dä Atikkel nohm däm Wrede sing Schrievwies ömnenne. Dann jöv dat: Pott (Köch). Oder dä Tex muss jeändert wääde en: "Dä Lemma-Titel hee es buchstabeet noh xxx". Wat fün Schrievwies es "Kösch"? Wo es dat dokumenteet? --Caesius 22:41, 30. Nov. 2006 (UTC)

Dat passt nit zesamme, weil dä Purodha dat ömdäuft, ohne den Zeddel erusszeholle. Düüvelskääl 22:44, 30. Nov. 2006 (UTC)

Deijt mer lëijd, hann_esch wall nit jesinn. Domet jenou bëij_esu jät nit esu lëijsch jët schëijf jëijt, hann_esch jo de Saachjroppe „Dat Lëmma eß bochshtabbeet noh …“ en di Schablon:Dijaläk un bochshtabbeet med erinn jenumme, domet shtemme di emmer, och wäm_mer jät ömnännt. --Purodha Blissenbach ^(Klaaf) 23:27, 1. Dez. 2006 (UTC)

Ene Kompromiss-Vörschlag

Dat Janze es em Momang jet unjlöcklich jelös. Zom Beispill: En däm Atikkel steiht dren: Dä Lemma-Titel he es buchstabeet nohm Wrede. Domet ha'mer ene Ungerscheed zwesche däm, wat ovve drüvver steiht (Wrede-Schrievwies) un däm, wat em Tex jeschrevve es (Purodha-Schrievwies, ksh-rt). Dat Useanderposementeere vun Titel un Tex es komplizeet.

Dä Zeddel met de Dialekte ... dat es en prima Idee. Bliev nor: Wat du'mer noh vürre (Haup-Lemma), wann zwei Dialekte däselve Lemma-Titel han. Hee en däm Fall ha'mer jo zom Jlöck verschiedene Titel. Ich han jetz, domet mer dat ens klor krije, ene zweite Atikkel för Pott (Köch) jeschrevve ... noh däm Wrede sing Aat ze schrieve. Domet dä Titel un dat Lemma üvvereinstemme. Ich han die neu Version hee unge drunger jeschrevve. Eijentlich künnte mer jetz die neu Wrede-Version en dat Pott (Köch) emplanteere un die Version ksh-rt noh Pott (Kösch) verschiebe. Et jeiht nix verlore un et weed keine Dialek ungerdröck. Däm Purodha sing Schrievwies bliev erhalde un kann üvver dä Schrievwies-Zeddel verlink weede. Ich jleuv, domet kann och use Purodha levve. ;-) (hätt dä Caesius jeschrieve)

Sofort jemaat. Düüvelskääl 17:52, 2. Dez. 2006 (UTC)

Esu janz foschtannde hann esch dat jäz no_nit - wellß Do jëz nit mieh fottschmiiße, wat nit Wrede eß? Un shtatt Zëddelle draan maache, leevo op anndo Schriifwiise ömschriive (oddo op de anndo Dijaläk övversëzze) Kwasi parallel? Esch luuer mer dat ävve eez morrje oddo övvomorrje jenou aan, wann esch der Kop fö_jët Nöüjes frëij hann, sch_a norr_en lange Leßß med aanjefange Saache, di_sch jëz_ens fottärrbëije, en de Pausezigge, zwesche ming nomale Ärrbëijt, iih dat noch jät foschött jëijt. --Purodha Blissenbach ^(Klaaf) 19:45, 2. Dez. 2006 (UTC)

Mer hän noch nie fottschmiesse wolle, wat net Wrede es. Da häs do wohl noch nie jelese, wat mer jeschrieve hän. Düüvelskääl 19:55, 2. Dez. 2006 (UTC)

@Purodha: Fottschmieße wat nit Wrede es ... op keine Fall. Zeddele dran, wat fün Schrievwies, es nüdich ... domet mer späder üvverhaup jet sage künne üvver dat Jeschrievs. Alsu: Zeddele op jeden Fall. Un wann einer keine Zeddel dran jemaht hät, sollte mer en drop henwiese, dat mer uns Dialekte nor en en Odenung bränge künne, wa'mer wesse, wat dat füne Dialek en däm Atikkel es. Ich schlage för: Wann einer nix aanjejovve hät, du'mer en drop henwiese, dat hä ene Zeddel dranmaache kann. (En Üvversich üvver all die Zeddele, die mer ald han, es jo wall kein Problem. Wann et noch keine Zeddel jitt, künnt hä sing Schrievwies och einfach en dä Atikkel erenschrieve. Wann hä dat nit mäht, kritt dä Atikkel de Schrievwies "wesse mer nit". Oder: "Schrievwies vum Metmaacher xxx". För sun Fäll ben ich allerdings ärch doför, dat die nit als Haup-Lemma en Erscheinung tredde, wann et andere öntlich dokumenteete Dialekte jitt.)

Et bliev dat jrundsätzliche Problem, ov mer zolosse, dat einer aanfängk en singem Dialek (vun singem kleine Dörpche) de janze deutsche Wikipedia en uns ksh zo transferiere. Dat sollte mer zolosse, weil hä domet singe Dialek dokumenteet. Dat ömändere vun dänne Titel op en ander Schrievwies als wie dat en däm Atikkeltex drensteiht ... kann nor en Notlösung sin ... för die Fäll, wo nix üvver de Schrievwies vun däm Tex aanjejovve es.

Noch ens jet Jrundsätzliches: Leeve Purodha ... Ding Credo: "mer sin en ripoarische Wikipedia un mer losse se all zo" in alle Ihre. Do ben ich och för. Ävver mer sollte trotzdäm nit jede Quatsch (der mer nit üvverpröfe künne) akzepteere. Et kann doch nit sin, dat einer sich en singem Kopp jet usdenk un uns dat dann, ohne dat mer dat en irjend einer Aat un Wies üvverpröfe künne, als ripoarische Dialek verkaufe kann. Nä, öm et op dr Punk ze bränge (un ich jleuv, do künnte mer uns einije): Ene defineete Lemma-Titel es enem undefineete (wo mer nit wesse, wat dat üvverhaup es) vörzetrecke. Hät einer nix aanjejovve, en wat fünem Dialek hä schwaad, sollte mer et zolosse, dat dä undefineete Lemma-Titel defineet/jeändert weed. (Och wa'mer dat wieh deit, wäje dänne ungerscheedliche Schrievwiese zwesche Titel un Tex, die dann dobei eruskumme) Als Default künnt ich mer vörstelle, dat mer de Wrede-Schrievwies nemme. Wann einer jet anderes vörzeschlage hätt ... dann sid esu jot un doht dat. --Caesius 22:35, 2. Dez. 2006 (UTC)

Leeve Caesius, fun Dier hann_esch jleuven_esch, och noch ni jelësse, dat Do fott schmiiße wöllz, wat nit Wrede eß. Un och nix en dä Aat jesinn. Wat ėsch bovve jeschrevve hann, wo aan dä Düüvelskääl, dä määt jenou dat de jannze Zick (Hä döüf rëijewieß de Atikkelle öm, schriif dann „Lemma … Wrede“ rin, schmiiß am Aanfang de ungerscheedlijje Name_Varijazjohne eruß, wänn wëllshe do sinn, un överall, wo Käßßje met Dijaläkte/Bochstabėerwiise dren sinn, schmiiß hä fill fu dämm fott, wat_do enjedrare eß, ußer Wrede. Jo suja wänn_esch enne Punk oddor_e Komma oddor en leddije Rëij rin oddo rußß maach, schmiiß hä fott) Esh ben et esu lëijd hinger däm her_ze_rüühme un dat wido retuur ze holle. Dat koss_esu fill Zick, un dat es schad. Ish foshtonn och nit mieh, wat dä well, ußo Wrede dörschsäzze (un fellëijsh mėsch ärjere, ävvo wat hät_ë do fun?) Wat_ë hee un doo schriif, dat paß nit zo dämm wat hä dëiijt, odder et eß öff blos_enne Keu, dä esch nit foshtonn. Et nöüßte, schriif_e jäz op Änglesch.

Met däm wat Do schriifs ben isch zėmmlish d_akoor. Isch mösh och jään, dat mer koot un kloo opschriive, wi mer onß dat he all fürschtëlle, also alß Räjelle. Fö unß „Aale“ un fö_jede dä neu kütt. Winnishßtenß enß dat wo mer unß ëijnß sinn. (Ming eezte Forsooch en di Reshdong hät dä Düüvelskääl komplät fotjeschmeßße - sch_a_jëz dä Name fun dä Sigk nit mieh parat. Enne anndere Forsooch fun däm Düüvelskääl, nodämm esch do dat eruß jenumme hann, wo mer unß nit ëijnesch sinn, un dat enß op die Klaaf_Sigk jeparrek han, dat höllt_e alle paa Shtund widdo rezög.

Mer mößße enne Wääsch finge, dat mer onß nit met hin un her Änndere ärjerre.

Fö misch kann dat nur hëijße, dat mer med däm Akßjonėßmoß ophüüre, un unß eez enß jrondlesch beroode, wat mer et beß maache wulle.

Fellëijsch kannß Do jo däm Düüvelskääl dat och aan et Häz läje. Esch wëijß mer nämmlesch nit anndoß ze hëllefe, alß dämm sing Ömnänn_und_Lösch_Woot alz emmo_wėdo zerögzenämme.

Esch woo janz fruuh dad_esch dat wat Do jeschrevve häß, janz pä Zofall — onjewollt „Refresh “ jeklekk — an dämm Oovend noch jesin hann. Esch kunnt ävve nit mieh fäädesch schriive, un dann ben isch beß jrad nit widdo dozejekumme. Zo fill ze_donn, besöndoß med däm Düüvelskääl singem Meßß op_ze_rüühme.

enne schööne Jroß -- Purodha Blissenbach ^(Klaaf) 23:42, 2. Dez. 2006 (UTC) beß 19:24, 4. Dez. 2006 (UTC)

Leev Purodha: wat do schrievs stemp einfach net.

1. Sigge ömdäufe: do häs jesaat, dä eezte Schriever bestemp, wie dat Lemma heiß. Luur dir de Sigge an, die ich ömdäufe - da sin ich fast immer dä eezte Schriever. Ich dunn also nur wat do jesaat häs.
2. Ich han övverhoup nüt jeje de diverse Dialekte. Ich han nur jet dojeje, dat do en Template doför nemms, wat in dinger Schrievwies jeschrevve es, die kei Minsch lese kann. Vür allem, wann do esuh en Template en Sigge erinndäust, die janz klor nohm Wrede jeschreve sin. Dat süt dann ärch esuh us als wööds do nur dinge Schrievwies dorchsetze. Wann do en anjemessenes Template bruchst, han ich nüt dojeje.
3. Do sääs, ich wööd Saache fottschmieße un de Dialekte ungerdröcke. Jo, häs do ens jezällt, wie vill do von minge Saache ad fottjeschmesse hä, öm de Wrede-Schrievwies ze ungerdröcke? Ich han dat Jeföhl, ding Ziel es, allet ze ungerdröcke, wat net en dinger bizarre Schrievwies opjeschrevve es.
4. Noch ens: en dän Avstemmunge, die mer hatte, hän sich alle User jeje dich jestellt. Un do sääs bloss: de Avstemmung es unjüldich, dat könne mer net mache. Na, wat soll dat dann? De Medmacher föhle sich von dir verhohnepipelt.
5. Woför dat ich Englisch schrieve? Weil et fröher oder später klor es, dat et dröm jeht ze beklave, wem von uns de Admin-Rechte avjenumme wääde. Un dann wollt ich en paar Jrönde op Englisch han. Weil de Stewarts schwade kei Ripoarisch.
6. Un wann do wirklij zesammeärbeide wells, dann bes esuh jot un schriev nit de janze Zick Beleidijunge op: dä Düüvelskääl es en Jeck, hä schriev Keu, Dreß, un esuh wigger - esuh jet han ich üvver dich noch nit jeschrevve. Kann ich maache, wann dat esuh ding Umjangsform es. Es ävver ärch unhöflich - un en dä englisch Wikipedia weed mer für esuh jet ad jesperrt.
7. Also: net immer nur konstruktiv verlange - konstruktiv sinn!

Düüvelskääl 19:35, 4. Dez. 2006 (UTC)

Pott (Köch) un Pott (Kösch)

Leev Sabine (oder wer do och immer bes) - häs do en bessere Idee, wie mer de Dreß met ungerschedleche Schrievwiese löse könne als met dubbelte Aatikkel? Op der Desch domet! Düüvelskääl 01:35, 16. Dez. 2006 (UTC)

PSabine, Do häs jo för ene neue ruude Metmaacher ald vill Ahnung, wie mer sun Schablon enbaut. En dä Schablon steiht: Dä Aatikkel heä hätt dat jleijsche Thema wi Pott (Kösch). Do wollz hülpe, datt uffzelööse? Dann kannz do di Aatikkel zesammemoodele odder drenne, wi datt dat bäßßer wöör. Zesammemodele es jo wall Kokolores, villeich häste jo de ungerscheedliche Dialekte/Schrievwiese bemerk? Dat sin zwei verschiedene Atikkele met verschiedene Schrievwiese? Wellste dat mer nor ein Schrievwies zolosse? Die Atikkele sin ald jetrennt. Wat wellste eijentlich? --Jan Wellem 23:27, 21. Dez. 2006 (UTC)