Masse

Die SI Basiseinheit für de Masse ees dat Kilojramm, Kilo oder och Killo. In de Formele witt et met m avjekürz un sing Einheit witt kg jeschrivve.

Dat Kilojramm ees en Besunderheit unger dä SI-Einheite, weil et als einzischstes vun dä sibbe en Fürzeichen hätt. Nämlich dat K für Kilo, wat nix anderes heeß als 1000 vun irrjendjet.

Wie ees de Masse vun 1 Kilojramm fessjelech

Für et Kilojramm hätt me 1889 jenau wie für dä Meter eh Urkilojramm anjeferdich. Dat litt höck emmer noch in Pariss em Museum un die einzelne Länder han Kopie dovun.

Wie wor fröher 1 Kilojramm fessjelech

Fröher hätt me jesaaht: Eh Kilojramm ees su schwer wie eeijne Liter Wasser bei ener Temperatur vun 3,98°C. Dat ees nämlich die jrötzte Dichte vun Wasser.

Bekannte Avwandlunge vum Kilojramm

Bekannte Avvwandlunge vum Kilojramm sin zem Beishpill:

• 1 Tonne, dat sin 1000 Kilojramm
• 1 Jramm, dat ees eh 1000tel Kilojramm

Alle Bezeichnung die och hück noch jeläufich sin:

• Eh Puund, dat sin 500 Jramm
• Ene Zentner, dat sin 50 Kilojramm

Wie kann me de Masse messe

De Masse kamme mit ener Wooch messe. Do jitt et ungerschiedliche Ausführunge. Für mieh dozoo loor he: Wooch

Mieh Aatikkel övver Weßßeschaaf & Teschnigk fingßte op dä Pooz:Weßßeschaaf & Teschnigk