Joseph DeCamp
Joseph Rodefer DeCamp weed och enß auch Joseph De Camp jeschrevve. Hä eß am 5. November Joohr 1858 in dä Shtadt Cincinnati en der USA jeboore un am 11. Februar Joohr 1923 en Boca Grande en Florrida och en der USA jeshtorrve. Hä wohr enne Moler. Sing Shtiilreshtonge wore der Tonalėßmoß un dä Ėmprëßjonėßmoß.
Hä hät zosamme med Frank Duveneck en Boston shtuddeet un jengk en de zwëijte Hällevde fon de 1870er Joohre noh de Akademie der Bildenden Künste en Münsche en Dütschland. Donoh bleev hä en Zigg_en Florrënnz en Itaalije. Em Joohr 1883 jengk_e widdo noh Boston. Hä woohde e Medtjleed_en_de Boston School, di_j_onder dä Lëijdong fon Edmund Charles Tarbell shtundt un däät sejj_obb_et Porträ_Mole konzëntrėere. En der 1890er Johre nohm hä der Tonalėßmoß op un däht en dämm Shtil mohle. Em Joohr 1897 woor_e bëij dä Jrönder fon dä ėmprëßjonėßtėsche Jropp, di sesch de Ten American Painters nänne däht, dat heesch „Zehn amerrikaanesche Mooler“. E Füüer hädd_em en sėngem Atteljeh en Boston e paa hondert fon singe fröhe Bellder jekoßß, do wohre faßß all seng Landschaffßbellder dobei.
Bellder
Ändere-
The Cellist, 1908 -
The Blue Cup, 1909 -
The Kreutzer Sonata, ömm 1912 beß 1914 -
The Steward, öm et Johr 1919 eröm
Böösho
Ändere- Laurene Buckley: „Joseph DeCamp: The Boston Technician.“ Prestel-Verlag 1995. ISBN 3-7913-1604-4
