Ongerscheide zwesche Versione vun dä Sigg „Schmolz“

{{Atikkel_op|Kölsch|}}

[[Beld:Bachelorette party toast.jpg|Hee dat Schmöllzje [[Frau|Wiiv]]er freut sesch ob_en Huhzick|left|miniatur|left|172px]]

Dä '''Schmolz''' oo dat '''Schmölzje''' ess_ene Knubbel odder en Sippschaff. En Menge [[Mensch|Minsche]], di zosamme jehüüre. Se künnte meddeneejn [[Verwandtschaft|verwandt]] sin, se künnte enn eijnem [[Haus|Huus]] wůnne, [[Freundschaft|Frünnd]]e sinn, enem Kääjelklup odder enem [[Fastnacht|Fasteloovendsverein]] aanjehüüre. Ävver och [[Tier|Diere]] künne Schmölzjer bellde. Ene Schmolz [[Biene|Beij]]e kann ëine janz schön bang maache, wam_mer nit drop jevaß es, un och [[Ratte|Ratt]]e un [[Maus|Müüß]] trädde öf en Schmölzjer op, odder jonn zesamme op Wanderschaff, selvs wam_mer_et nit süüht. Och bei de Flanze kam_mer dat beobachte. Wä kennt dat nit am Rand fum Jaade — do es entweeder ene Schmolz fun [[Maiglöckchen|Maijlöksche]] udder jaa keij. Janz sellde, dat ens ein allëijn am blöhje es, un spääzdenß em Johr drop es dat dann och nit mieh allëijn. Wann öhnswoh ene Scheißhoufe eröm litt, do kütt tirëgg_ene janze [[Schwarm|Schwarrem]] Fleeje un freut sesch draan. Di föhle sesch em Schmölzje jeweß wohler.Mansch Minsche kumme oohne ier Schmölzje nit zerääsch, der eijne määt dit, der andere dat, un keine kann Alles, ävver mer kennt sesch, mer hellef sesch, un esu mëijßtert mer et Lääve jemëijnsam. Besönders wam_mer ene Enndrock maache well, un zëije, dat mer starrek es. De Foßballfäns uß de Södkurref, ene Knubbel Fetze, di_j_en de Shtroohß e beßje Rabbaz em maache sin, jenou wi ene Schmolz [[Löwe]], udder e Ruudel [[Wolf|Wöllef]], udder ene Schwarrem Fesch, en Demmo, jede [[Familie|Famillėsch]], all han se dat „Zosammehallde un jet jebacke krijje“ drop.