'''Moresnet''' es en Deijl vunn dä beljische Jemeinde [[Kelmis]]. Vunn [[Joohr 1815|1815]] bes [[Joohr 1919|1919]] woor e kleijn Deijl vunn däm Jebeet watt hück Kelmis es ene neutrale Staat, ''Neutral-Moresnet'' jenannt.
Dat woor enne Mini-Staat vunn 270 [[Hektar]], 7 [[KillomeeterKilometer|km]] emm Südweste vunn [[Aachen|Oche]]. Et hätt en Zippel zum [[Vaalserberg|Vaalserbersch]] jehatt. Däswäjje woor dat domohls en Vierländereegg, keij Dreijländereegg wi hück.
[[Image:Flag of Moresnet.svg|thumb|Inoffizjäll Fahn vunn Anno 1883]]
Om [[Wiener Kongress]] hänn sisch [[1815]] de [[NederlängNiederlande|Holländer]] unn de [[Preußen|Proiße]] jekabbelt, wä dat Stück krijje däät. Däsderwäjje hänn se et dreijedeijlt: Proißisch-Moresnet, holländisch-Moresnet unn Neutral-Moresnet mit dä Houpstadt [[Kelmis]]. Et hätt keij [[Zoll]] jejovve, allet woor billisch, unn de Vorwalldung wood vunn Proiße unn Holland jemaat. Alldiweijl dat en Zinkjruub hatt, woor et am mießte ömstritte. 1815 hänn da nit mieh wi 256 Lück jewonnt, [[1858]] wooren et 2575. [[1830]] wood dat vereinischte Holland opjedeijlt, unn Moresnet jingk aan [[Belgien|Beljie]]. Proiße unn Belje hänn widder unn widder dä Status vunn Neutral-Moresnet beklaaft, äwwer et es all jeblivve wie et woor. Bes zem ääzte Weltkriesch. Im [[Vertrag von Versailles|Verdraach vunn Versailles]] jingk Moresnet dann endjültisch aan Belje.
Öm [[1900]] hätt dä Chef[[aaz]]Chefaaz vunn dä Zinkjruub en [[Esperanto]]-Shtaat jründe wolle, äwwer de Lück hänn dann doch lever ihr eijen Sprooch jeschwaadt, su wood nix druss.
