Eurosklerose

Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Dä Bejreff Eurosklerose bruche manshe för de Zick vun_etva 1973 beß 1986 en de Europa_Pollittik vun de EWG-Staate ungerennejn, dat woore domols Deutshland, Frankreish, Italije, Belljie, de Nėderläng, Luxembursh, Jruußbrėtannje (alsu Änglant), Irrlant un Däänemark, Jriishelant kohm 1981 offizjäll dozoo. Betoont weede sull domet, dat nix esu rääsh wigger jing. De ejnzellne Shtaate han sijj_ene Deijl prakktish veraffsheed vun dämm wat se enß jemeijnsaam beshloßße hatte an Visjoone un Plän. Keijner vullt fun de Rääshte un_em Eijnfluss_em eijene Land aan de EWG jet affjevve.

• Weetschafflich schlappe Brangjje unn Jääjende wuute vun de eijnzellne Staate met Supvänzjone un och söns jepäppeld un ungerstözz. Dat woo jääje de Veäjnbarunge övver do Wättbewerep in de EWG.
• Se han nix dofüür jedonn, dat enne freje Waareferkeer opkomme kunnt. Em Jääjedejl, full fon_der Ejfersuch han de Bürrokraate nazjonaale Füüshriffte su bewerk dat se schlääsh bes_övverhoup nit zosammejinge, öm domet fö_t Ußlannt mööshlisht schwiirish un ööhndlish düür ze maache, dem Ėnnlannd ie Waare anzebedde.
• Dä, wi se_t nannte, jemejnsame Agraamarkt, wood esu joot wi draanjejovve. De Staate han de ejene Lanndweetschaff jeholləve, ann_de Jränse han se versöök, vun_staaz_wääje de ungerschiidlishe Prejse zwesche de EWG-Metjliizlännde_ußzejliishe. Dobeij han se no versöök, aan de ungershidlijje Norme un Süsteeme för der Handel un et Fekoufe faßß_ze_hallde, un se wi uß frak no_mieh ussenannder zo bränge.