Büllingen

Dä Lemma-Titel he es en de amplische Schrievwies.

Wappe	Kaat
Et Wope vu Böllénge
Ferwalltung
Landsdeijl:	Wallonië
Provinz:	Lüttich (Luik, Liège)
Arrondissement:	Verviers
Daten
Wie jrooß iss dat?	150.49 km²
Wivill Lück wunne do?	5374 (1. Jannowaa 2005)
Fraunßlück:	2622 (48,79%)
Mannßfollek:	2752 (51,21%)
	35.71 Minsche pro km²
Wo iss dat jenau?	50°24' Nocht 06°15' Oßß
Zickzoon	MEZ / MESZ = GMT + 1:00 (Novemmber-Meij), GMT + 2:00 (Aprill-Oktober)
Poßßleijzaal:	B-4760
Offizjell Websick:	http://www.buellingen.be/

Hee di Sigg_is_op Kölsch
(mieh kölsche Sigge)
unn jeshrivve wii_mer_t_shprish
(mieh Sigge jeshrivve wii_mer_t_shprish)

Büllingen litt ėn dä Belljische Provinz Lüttish, un do ėn dä ihrem Ossdejl, un eß och ene Deijl vun dä Jemeinschaff vun denne die in Belljie Deutsch schwaade dunn. Et weed op Frannzüüsisch Bullange jenannt. Unger dä Jemeinde in dä Jemeinschaff vun denne die in Belljie Deutsch am schwaade sinn, eß Büllingen hückzedach 2005 de jöößte — dat heijß vun_denne verbruch se der mießte Platz, op der Ääd. Dat kütt dovun dat dat eijentlish ene Houfe eijen Jemeijnde jewääse sinn beß do, wo se ėm Joor 1977 vun dä Belljier zosammejelaat woote. Dat wooren:

• Rocherath mėt	Krinkelt un Wirtzfeld,
• Büllingen mėt	Mürringen, Hünningen, un Honsfeld,
• Manderfeld mėt	Afst, Allmuthen, Berterath, Buchholz, Hasenvenn, Hergersberg, Holzheim, Hüllscheid, Igelmonder Hof, Igelmondermühle, Kehr, Krewinkel, Lanzerath, Losheimergraben, Merlscheid, un Weckerath,
• Schönberg mėt	Andlermühle, Eimerscheid, un Medendorf

Jäjent

Büllinge litt om Huhe Fenn. Ene jröößere Deijl dovun eß ėm Nattuurparrek vun dä nöchtlijje Eijfel drėn. Op däm ville Lant, wat all bei Büllingen beihööt, lijje etlishe Bersh, die sin esu öm 600 Meeter huh, un mieh. Op Leuters]] bej Mürringe — jenau em Norde do_vun — eß 656 Meeter huh, dä Wiieße Shtejn sujaa 689 Meeter, ävver do litt de bövverßte Shpetz jraad nit mieh en Büllinge, söndern op de andere Sick vun dä Strooß die do de Jränz markeere deijt.

Om Lant vün Büllinge lijjen de Kwelle vun

• De Werche, di leuf noh_m Weßte.
• Ettlijje Bäsh un Flößßjer di ėn de Rur loufe un domet wigger noh Norde dursh Noochtrhing-Weßßfaale un unge vüüre_em Schwalmdaal noh Holland affbeesj_un bej Roermond in de Maas löpp.
• De Olef, die leuf no Oste un dann bej Gemünd ėn_de Urft.
• De Our jeijht no_m Süüden un dann ėmmer lanß de deutsche Jrennz beß noh Luxenbursh, wo se sich met dä Sauer zosammedejt koot bevüür se ėn_de Mosel plumps.

Janz bekant äess de "Böllénger Wäend" (véll Jedöns).

Et Wopen

Oum Wope sinn ze finnde (uß dä Seesh fun däm, dä't dräät):

• Rääs_et Krüz fun Trijer
• Onge en_de_Medde_de luxemburrjėsche Löüw
• Lėngs_en horizontal Dunn fö_däe Här vun Jünkerath-Schleiden

Kierch

En der Kierch vu Büllingen steijt en Urrjel vun de Lëntgener Urrjelfabrik en Luxemburresh, di 1997 opjerisht wood.

Wat frööjer woo

Ėm Winnter vun 1944 un 1945 wo de Aadennen-Offensive he övverall am wööde. Ėn dä Zick sin vill vun denne Ööt vun wat hück Boulanger eß schlemm jetroffe woode un ettlijje han se beijna tottaal kapott jemaat. Jannz besönders schlėmm hädd_et Rocherath-Krinkelt ewwisch. Do woo baal nix mieh vun övverisch.

Weetschaff

he in dä Jäjend jidd_et:

• Wällder
• Sääjewerke
• Fooßweetshaff
• Mööbelfabrikke
• Turrißßmuß

Bööscher

„Altes Land an der Work — Der Königshof Büllingen im Rückspiegel der Zeit“, St. Vith, 1990, 384 Sigge (op deutsch)

Websigge

• Houpsick vun dä Jemejnde Büllingen (op deutsch)
• Jeschichtliches (op deutsch)
• Offene Jugendarbeit vun dä Jemejnde (op deutsch)