Zint

Dr Bejriff „Zint“ odder „Zinter“ hätt janz fröher in Kölle „sent“ jeheiße, hä kütt ävver us dr lateinische Sproch un heiß do so vill wie „ad sanktas“, dat es et sellwe wie hillich. Do mer em hillije Kölle sinn, jitt et alle Nas lang en Kiresch. Jetz kütt et, die heiße dann: Zint Pitter, Zint Kunibät odder Zinter Kloos un esu wigger. Vör de Pänz kütt ejmol im Joohr dr hillije Zinter Mätes, dä es, wie mer süüt, dubbelt hillich, wor ävver trotzdemm ne jode Minsh.