Schwatzbaart
Schwatzbaart (* vermodelesch öm 1680 en Bristol, Engeland; † 22. November 1718 en d'r Provenz van Noord Karolina), börjelesch och als Edward Teach bzw. Edward Thatch bekanngk, woê ene Seerüvve uss Engeland, dä em Noordwässatlantik töüsche dä us-amerikanesche Ossküss on de Bahamas ongewäächs jewäss es. Bes hück jilt hä als ene van de bekanngkeste engelsche Piraate övverhoup.
.jpg)
Lääve Ändere
Fröhes Lääve on Karjä en d'r Seerüvverej Ändere
Övve Schwatzbaart si Lääve es maa wennesch bekanngk, ävve 1717 weed hä et iêsch bej'm Noam jenanngk, Vermodelisch es hä öm 1680 eröm en d'r bretesch Stadt Bristol jebôre on hätt sing Karjä als Matroos bejonne, die zer Zick vam spaansche Ärvfoljekreesch (1701-1714) van Jamaika uss en See jestôche sinn. De Kapitäne van disse Schiffche hôtte döckes janz offizielle Kaperbreefche jehatt, wômet se em Nôôm van d'r bretesch Kruun angere Schiffe kapere on ussruvve jekunnt hann. Schwatzbaart hôtt en disse Zick onger'm Kapitän Benjamin Hornijold jedeent, bes hä 1717 dat Kommando van d'r Revenge övvernämp hôtt, die zefûr onger'm Befääl vam Stede Bonnet stangk.
1717 jriff Schwatzbaart o.a. Nöü York on Philadelfia aan, wôbej hä et minst 15 Schiffjere en singe Besetz jebraat hött. En d'r Karibik hätt'ê dann et Sklaavetranspoortschiff La Concorde van de Franzuuse opjebraat, die hä spääder met d'r Nôôm Queen Anne's Revenge jedöuf hätt.
Schwatzbaart hôtt si Houphafe en denne Bahamas on en d'r bretesche Kolonie Karolina jehatt. Dä Juuvenöör van Noord Karolina hôtt emmezo Bügg vamm Schwatzbaart kasseet, wôhenschään hä demm Seerüvve em Jäjezooch Schutz jewäädene.
Duud Ändere
Em Mai 1718 hôtt Schwatzbaart, drooje- on alkoholafhängesch, Charleston en Süüd Karolina belaajert, wôrophen en dä Juuvenöör van Virdschinia zwej Kreeschschiffjer onger Kapitän Robert Maynard ussjesangk hätt, öm'n fässzenämme of ze düüde. En d'r Schlaach wood Schwatzbaart duudjeschlaache - en sing'm Lichnaam fangk mer fünnef Schosswonde on zwanzesch Steschverletzonge. Hengenôô hätt mer'n jeköpp on aan denne Buugspriet van demm Maynard si Schiff jehängk.
Literatur Ändere
- Joel K. Bourne Jr.: Blackbeard lebt! Archäologen suchen in einem Schiffswrack nach Hinweisen auf den wildesten Seeräuber aller Zeiten. In: National Geographic Deutschland. Hamburg, Juli 2006, S. 106–121.
- Robert Bohn: Die Piraten. 2. Auflage. Beck, München 2002, ISBN 3-406-48027-6.
- Angus Konstam: Blackbeard: America’s Most Notorious Pirate. John Wiley & Sons, Inc., Hoboken, New Jersey 2006, ISBN 978-0-471-75885-3.
- Captain Charles Johnson: A General History of the Robberies and Murders of the Most Notorious Pyrates. London 1724. Reprint: The Lyons Press, Guilford Conn 2002, ISBN 1-58574-558-8.
deutsche Ausgabe: Charles Johnson: Umfassende Geschichte der Räubereien und Mordtaten der berüchtigten Piraten. Robinson, Frankfurt am Main 1982, ISBN 3-88592-009-3.
