Printe
Dä Lemma-Titel he es bochstabeet noh dä Öcher Schrievwies.
Printe sinn ene süüße Spezjalität uss Oche. Lück voh ußwääz donn se jään mit Lääwkooch verjleishe, wejl se en ähnliche Färv han unn jewisse Ähnlishkejte in dä Konsistänz. Awwä dä Jeschmack ess komplettemang angers. Printe wääde mit Sirup jesööß (Lääwkooch mit Honish), unn dä Jewöözmishung is angers, se besteht uss Anis, Kardamon, Nelke, Orangshat, Ingwa, Korijanda unn suh wigger, de jenaue Zesammesätzung is jehejm. Ußßer dä Sirop sinn kejenerlej flössije Zodote dobeij. Ma loss dä Tejsh för e paar Doch lijje, dann weed hä wie Koujummi. Ääshte Printe sinn haat ("Haatprinte"), unn man doot se jään inn dä Kaffee stippe. Äwwer et jitt och wäjshe Printe ("Wäjshprinte"), vüür allem föör Turiste op dä Wiehnochßmaakt, unn dä sinn dänn Lääwkooch, sarish, jet ähnlicher. Die jitt et dann och mit Schokkolaat, Zuckäjlasuur und Haaselnööt.
Dä ääßte Printe wurde vermutlish im beljishe Dinant jemaat. Äwwer de Öcher Saareschatz säät, dat en Öcher Bäckerjesell dat Rezept mit dä Hilf vom Düüvel us dä Jruft Karls des Jrooßen gekläut hätt. Dä hätt doföör de Seel von dä Jong wolle. Äwwä da lüeße Öcher Jong hätt ihm et Bläsh Printe ze esse jejewwe, unn dä jecke Düüvel hätt et Bläsh mitvershlonge. Vüür Buuchwääh hätt hä de Seel nit mäh nemme könne. Diese Sare is baseet op dä Dombouw- und dä Loußbärchsaare, wo dat Motto is: "Dä Öcher is dä Düüvel ze lüeß."
Websigge
Ändere
|
Mieh Aatikkel üvver Esse & Drinke fingste op dä Pooz:Esse & Drinke |