Know-how-Computer
(mieh kölsche Sigge)
un geschrevve en de Schrievwies vun de Kölsch-Akademie
(mieh Sigge en de Schrievwies vun de Kölsch-Akademie)
Der Know-how-Computer es ene Papiercomputer, un dä kammer eifach met enem Boge Papier un einzel Schwäävelcher zosamme baue. Dat geiht der ohne Elektronik av. Esu kann jederein met Verduns draan liehre, wie mer richtig programmiere deiht, och wann mer keine elektresche Computer hät. Domet deent esu e Denge als en Hölp för de Usbeldung en der Informatik un wat domet ze don hät. Der Know-how-Computer oder WDR-Papiercomputer wood vum Wulfgang Back un dem Rohdes Ulrich usgedaach un entweckelt un en dä Fernsehsendung WDR Computerclub em WDR em Johr 1983 et eetste Mol präsenteet.
Dä Computer arbeit op Papier. För de Einheite vun de Information nemmp mer de Schwäävelche. Met bloß fönef Kommandos kütt mer bei däm us, öm alle Recheaufgabe dastelle ze künne. Dä Computer zom Übe op Papier wood domols en övver vierhundertdausend Usföhrunge verscheck un hät dröm zo dä Computere met de grüßte Verbreidung gehoot. En Usföhrung als e Programm för elektronesche Computere kammer sech vun dem Wulfgang Back singer Houmpädsch erunger lade.
Websigge
Ändere- Zom Know-how-Computer, ussem Web-Archiv
- Aangabe, en PDF, un Programme zom WDR-Papiercomputer
- Der Know-how-Computer op dem Wolfgang Backs singer Houmpädsch
- En modernere Ußföhrung vum Know-how-Computer
|
Hee dä Atikel eß anfänglesch översatz uß de Wikipedija op Döütsch |