Klaaf:Masse

Dat gleuv ish nit

Et shteijt dat jezz do:

1. Die SI Basiseinheit für de Masse ees dat Kilojramm, Kilo oder och Killo. In de Formele witt et met m avjekürz un sing Einheit witt kg jeschrivve.
2. Dat Kilojramm ees en Besunderheit unger dä SI-Einheite, weil et als einzischstes vun dä sibbe en Fürzeichen hätt. Nämlich dat K für Kilo, wat nix anderes heeß als 1000 vun irrjendjet.

Dat kütt mir uß der Äinnerung erruß all verkiert füür. Ish ka mish jo verdonn, ävver ish däät do shrieve:

1. De Maßß weed in Jramm jemesse.
2. (För en Maßß in Formele weed öff — mingenßwääjen sujaa gewöönlish — en m jeshrivve, ävver natüülish kammer nemme wat mer well, mer moss_et su odder su dobeij sare, wat en Affköözung en enner Forrmel för_enne Senn hätt, we_mer sönß met dä Forrmell nix aanfange kann)
3. Et jitt hunderte mie wie sibbe Mooß_Eijnheite im Süßteem vum SI.
4. Dat Jramm hööt ävver bei de sibbe — wi mer säät — Jrund_Eijnheite, vum Süßteem vun dä Mooß_Eijnheite vum SI.
   • (Vun denne sibbe kam_mer keijn innenanner ömmreshne)
   • (All di anndere ußßer dä sibbe, dat sinn affjeleijdt Eijnheijte, kammer zosammekommbiniire — odder wi mer och säät, ömreshne, ußreshne — met:
     1. Zaale, ejaal wat för_n, unn wi_vill
     2. Reshen_Opperazzjoone, ejaal wat för_n, un wi_fill
     3. dä Jrund_Eijnheite, ejaal wat för_n, un wi_vill do_fun
        zesammejenumme)
   • (Dat hätt ävver keijne rääshte Senn, dat jez met dä Eijnheite ze verkliere, weijl dä Senn vunn dämm kütt vun dä füssikaalische Meßß_Jrööße, un de Eijheijte loufe dämm blooß hingerheer — sam_mer wenn jez jet neu enntdäkk wööt, wat mer meßße künnt, wat met dä anndere füssikaalische Meßß_Jrööße nix ze donn hätt, do wöör en aachte füssikaalische Jrunnt_Jrööß fällish, un do kööm en Mooß_Eijnheijt hingerheer, un dat SI mööt eijn faßlääje, domet mer en Skala hätt, wo mer dat aachte Dinng met meßße künnt)
5. E Vüürzeijshe es eijn vun + (Plus) un - (Minus)
6. Füür alle unn jeede Mooß_Eijnheijdt kanns de k, d, n, … dofüürschrieve, dat nennd_un shprish mer Killo, Deezi, Nanno, …, un dat hejß × 1000.0, × 0.1, × 0.00001, …, odder kloorer jeshrivve × 10 ³, × 10 ^{- 1}, × 10 ^{- 6} …, eß allso eijnfach blooß en Affköözung för_en Eejnzellne uss_ennem faßjelaate Püngel bestemmpde Zaale.
   • Esu jet iß e Beijshpill för di Zaale wo mer bovve beij de affjeleijdte Eijnheijte hatte, ėmmer zosamme met däm × (Mool) aß Reshen_Opperrazzjoon.
   • (Nevvenbeij, c Zennti, unn m Milli, hann norr_en anndere Shriefwieß, do kam_mer näämlich och Prozennt unn Promill för saare un dat weed met % un ‰ affjekööz — määt mer beijem füssikaalishe Meßße unn teshnishe Meßße ävver koum. Un dann jiddet avv_unn_ann_noch dat π …)

Dat kame ruhich gleuve

Zo 1.

• De Masse witt wie em Artikkel jeschrievve en Kilojramm gemesse. Dat steht unter anderem op dä Sick vum PTB Physikalich Technische Bundesanstalltun die möten et richtich maache weil die für de Einheite in Deutschland zoständich sin.

Zo 2.

• Do häste natürlich räch, dat me nemme kann wat me will als Platzhalter en de Formele, äver et jitt eh paar Jröße do han sich bestimmte Kürzel enjebürjert. Me säht jo och nit für die berühmte Formel vum Einstein A = f z² sundern '''E = m c²'''.

Zo 3.

• Dat stimmp och dat et hunderte mieh Einheite em SI System jitt. He ees äver vun Basiseinheite de sprooch un davun jitt et nur sibbe, bis jetzt.

Zo 4.

• Dat ees alles absolut korrekt und wenn et noch nitt he steijt dann kütt et do noch hin.

Zo 5.

• Joo joo eh Fürzeiche ees eh + oder eh -, äver mir ees nix besseres eenjefalle für dä komische Ussdruck SI-Präfix. Wenn eeijner en andere Ausdruck weeß, dann dot et bitte ändere.

Zo 6.

• Dat stimmp och alles. Me sullt do ene eeijne Artikkel zo schrieve unger SI-Präfix oder su.

Ene schöne Jrooss Helesike 15. Okt 2005 16:54 (CEST)

• Da simmer unß jo zimmlish eijnish ;-) Övver dä „SI-Präfix“ dengk ish jezz ens noo — esu jett rishtijjeß fällt mer dozoo eetß enß och nit enn. Ish däät jo no mingem Fershtänntniß vun sujet saare, dat dat en Affköözung förn „Multiplikator“ also enen „Faktor“ wöör. Ävver dat iß all Hochdeutsch un Latein :-(
• LOL - Ish däät jo en aachte Jrunt_Eijnheijt vüürshlaare, dat Bit (Informaatik) — ävver dat jehüürt hee nit hinn :-)
• Blooß dat met dämm Jramm unn Killojramm, dat finge ich e beßje läsherlish, di Blötschköpp, ov dat jez Punk, Jramm, Dubbelzenntnere , Barrel, odder wat och sönß eß, dat eß dorr_et_selve, solang mer dat ömreshne kann. Ish hann ävver nit Milli-Killojramm op dä Breefwooch dropshtonn, sönndern nuur Jramm, drom iß dat för mish Qwatsch, do ben ish eijnß met minge aale Füssik-Läärer un Proffessoore. Di hann — wann se övverhoup jet do zoo jesaat hann — jemeijndt, inne wöör_et ejaal, wat de Pollittikker meijne, wi mer meßße sullt, dat wöör jet för die ärme Deuvel en de Ämmpter, seij dääten esu meßße wi inne paßße däät, dat wöör de Freijheit der Weßßeschaff. Domools jov et och norren ääshten Fääler in dä SI-Beschlößße, dä iß ävver lang_ad_eruß.
• Jo, do sullte mer noor_ettlijje Attikkele shrieve. Shaad, dat ish jez jraat eets enß ėmmer noch an jet annderes draan ben, ävver mer hann jo norre paa Joore füür unnß ;-) hoffe mer enß.
• Ne schööne Jrooß --Purodha Blissenbach 15. Okt 2005 18:53 (CEST)