Ippedörp
Ippedörp es ene Stadtdeel em Südde vande Bondesstadt Bonn on ligg töüsche Röttsche on Poppelsdörp.
Jeojraafische Lage Ändere
Ippedörp ligg töüsche zwej bekannte bönnsche Hüjelche: demm Krötzbersch em Wässte on'm Venusbersch em Osste. Zodemm fleeßt östlisch die Engelsbaach (odde och Melbbach) dorch't Dörp en de Waldau erinn, die me em Südde van Ippedörp fingk. Henger'm Dörp ligg't Naturschotzjebiet Katzelauchbaachdaal.
Ippedörp weed van vier angere Stadtdeelere van Bonn ömringk. Poppelsdörp, Röttsche, Venusbersch on Öckesdörp.
Jeschichte Ändere
Dä Noam van Ippedörp heesch esuvell wie "Demm Ippo si Dörp", woabej Ippo ene fränkesch Eijenoam es. Dä iêschte uêkondlisch Erwähnung vamm Dörp fengk sech em Joar 1320.
Em Joar 1627 ließ d'r Ääzbischoff on Kuêfürst Ferdinant van Kölle de Kapell am Krötzbersch erboue, die och höck noh zo d'r bekannteste Woarzejche vamm Oêt jehüürt.
1670 ömfasste Ippedörp ma 29 Huuse on jehüürte bes aan't Engk vamm 18. Joarhondet zem Kuêfürstedom Kölle, woa't een Deel van d'r Häêlichkeet Poppelsdörp bzw. Endenesch woêr.[1] Die iêschte Kapell em Oêt wood dann vemotlich en die zwejde Hälevde van't 18. Joarhondet jebaut, 1908 wood dann de Pfarrkerch St. Barbara fäddischjestellt.
Onge de Prüüße wood Ippedörp dann ene Deel vande nöüe Börjemeesterei Poppeldörp, woa et och bes 1927 jeblieve es. Doanoah jehüürte et zem Amp Duisdörp, bes et dann 1969 en de Bondesstadt Bonn eenjejliedert wood.[2]
Am 10. Oktober 1986 wood hee dä Diplomat Gerold von Braunmühl van de RAF ömjebraaht.
Literatur Ändere
- Bernhard Berzheim: Ippendorf. Vom armen Bauerndorf zum bevorzugten Bonner Wohnort. Herausgegeben vom Bonner Heimat- und Geschichtsverein. Bonn 1990.
Verwiese Ändere
- ↑ Wilhelm Fabricius: Erläuterungen zum geschichtlichen Atlas der Rheinprovinz, 2. Band: Die Karte von 1789. Bonn 1898, S. 59.
- ↑ Martin Bünermann: Die Gemeinden des ersten Neugliederungsprogramms in Nordrhein-Westfalen. Deutscher Gemeindeverlag, Köln Schablon:Datum, S. 82.