Gression

Jression (odde och Gression) es de Noam van en läjendäre Stadt, van de me säät, dat sej sech vüê lange Zegg em Jrußroom Oche-Düre-Kölle befunge hätt. Me weeß net jenau warömm, ävve erjendwann es de Stadt dann dorch een jruß Katastrophe ongejejange.

Noam

Gression kennt me och onge de Noam Gressiona, Gressionau of Grasigrone. Me es sech net seche, woa jenau de Stadt jeläje woê, ävver döck weed jesaaht, dat et kleen Dörpche Jressenesch bej Stolbersch d'r Uêsprong van det Noam es.

Lejende

Övve d'r Stadt verzällt me sech, dat se sehr rich jewäse es. Dat koam vüêallem vamm Avbou van velle vescheedene Mineralie on Ääze, wat wichtesch es, wemme bedengk, dat die Rejion öm Aischwiele on Stolbersch heräm och höck noh füê seng Berschbou bekanngk es. Wäje demm Richdom es de Stadt ävve dann och ongejajange - wie jenau, darövve es me sech net esu seche, ävve et hätt jewiss wat met en Jottesuêdeel ze donn. Et jitt Kwälle, die saache, Jression wöê dorch en Sintflot kapott jejange, angere wedderom saache, dat dat dorch feindliche Truppe jeschähe es.

Dichtung

Gression kütt en zwej Jedichte vamm Bündgens Pitter (ca. 1920) vüê, ussedämm spellt de Stadt en jruße Rolle en de Romantrilojie "Richarda von Gression", die van Kriegers Jünther uss Langerwehe jeschrivve wood.

Literatur

• Friedrich Holtz: Von Erzen, Sagen und Geschichten, Stolberg 1992
• Max v. Mallinckrodt: Die versunkene Stadt Gression, Eifelkalender 1930
• H. Hoffmann: Zur Volkskunde des Jülicher Landes II., Sagen aus dem Indegebiet, Echweiler 1914
• A. Voigt: Gressenich und sein Galmei in der Geschichte, Bonner Jahrbücher Band 155/156, 1955/56
• J. Werner: Zur Herkunft und Zeitstellung der Hemmoorer Eimer und der Eimer mit gewellten Kanneluren, Bonner Jahrbücher Jhrg. 1936