Ongerscheide zwesche Versione vun dä Sigg „Fastelovend“

An Wieverfastelovend fänk em Rhingland de [[Straßemnkarneval|Strooßekarneval]] aan. Me triff sich dann en de Kneipe un op de Strooß. All Jecke sin verkleed un jott dropp. De Uursprung vun Wieverfastelovend kütt uss [[Bonn]]. Un zwar han 1824 die Wäschwiever uss Beuel sich zesammejeschlosse un han eh Damenkomitee] jejründt öm selever och Fastelovend ze fiere. Dat wor bees dohin nur för de Männer jedaach jewess. Seit däm hätt sich de Wieverfastelovend em janze Rhingland verbreitet. En Beuel trick dann och ene jruusse Fastelovendzooch doorch de Strooße. En Beuel jitt ed och keeijne Prinz sundern en Wäscherprinzessin öm an de Ursprung vun Wieverfastelovend ze erinnere. En andere Dörfje werden op Wieverfastelovend Sitzunge avjehalde. Die suhjenannte Möönesitzunge oder Mädchesitzunge sin verjleischbar met de Herrensitzunge, weil do dann nur Froulück erinn dürfen.