Jüppsche
Beigetreten 25. Määz 2006
Inhalt gelöscht Inhalt hinzugefügt
M Neu Avschnet →Ingerface |
Jüppsche (Klaaf · Beijdrähsch) |
||
Reih 174:
== Ingerface ==
Leev Jüppsche - ich hann immer jedaacht mer wööde dem Caesius sing Ingerface brouche. Es dat nit esuh? [[Metmaacher:Düüvelskääl|Düüvelskääl]] 11:29, 17. Apr 2011 (CEST)<br/><br/>
Wäjen dämm Interface es dä janze Knieß doch entstande. Dat Interface heeß "Wre/KA" (Wrede/KölschAkademie). Als de Caesius Bürokrate-Rechte jebruch hätt, öm dat Interface enzebaue, hätt de liebe P. e'ne Strigg vom Zung jebroche, domet sing Interface wigge jebruch werde moot. Als die andere noh wochelange Diskussione de Naaß voll hatte un jejange sen, hatt de liebe P. Möll op un hätt hee dat Interface noh singen Gusto met singe Kunssproch zesammejebrasselt un verschachtelt, dat me keene Öwebleck öwe de Syntax hätt, die me zom bequäme programmiere bruch.<br/><br/>
Luur de ens de Allemanische Wikipedia aan, doh jitt et su ne Driss net. Doh jitt et drei Sprochjruppe un net mie. Un jenau dat ha'me am Rhing och:<br/><br/>
1. Wess-Ripoarisch (Ooche, Stollbersch usw.) - Herzogtum Jülich<br/>
2. Meddel-Ripoarisch (Kölle, Bonn, Vürjebirsch) - Land Kurkölln<br/>
3. Oss-Ripoarisch (Düsseldorf, Berjisch Land) - Herzogtum Berg<br/><br/>
Alsu bruche me nur drei Templates:<br/>
1. Artickel en Wess-Ripoarisch (Wess-Ripoarisch Link op Erklärungs-Sigg)<br/>
2. Artickel en Meddel-Ripoarisch (Meddel-Ripoarisch Link op Erklärungs-Sigg)<br/>
3. Artickel en Oss-Ripoarisch (Oss-Ripoarisch Link op Erklärungs-Sigg)<br/><br/>
Dat et bei Wiki net minge un dinge Artickel jitt, es me bekannt. Et jitt äwe ming un ding Schriefwieß. Un me kann nur en Schriefwieß harmonisiere, wenn et en verbindliche Schriefwieß jitt. Selefs de Wrede drieht sich em Jraaf eröm, wenn hä söösch, wat de Echtio jemaat hätt. Merks de et net ode wills de et net merke, dat me die Änderunge vom Echtio och als Vandalismus ussläje könnt. Du sääs, Du wöörs jejange, weil de liebe P. ding Saache jelösch hätt. Ich daach, en Wiki jitt et net ming un ding? Me'm liebe P. häss'de dich öm et Lametta jezänk, mir määt me de Artickele kapott. Dann mööt ich jetz, wenn ich et wie Du jedonn häss, jo eijentlich och jonn? Hatte me uns net och dodröwe jeeinisch, dat jede en de Artickelle schriewe kann, wie imm de Schnüss jewaaße es?<br/><br/>
Du brängks hee Unruh erin, endämm de Artickele ohne ze pröfe zeröcksätz, die e'ne Frempsprochler - zwar met joodem Wille - äwe falsch jeändert hätt. Sorg doch leewe mol für Harmonie unger de Metmaacher als unger de Schriefwieß! Wenn de Zick häss, kanns'de jo e eeje Wöördeboch un en eeje Grammatik schriewe, dann hätt dinge Perfektionismus endlich Rau. En ksh.wiki bruche me kleene Artickelche met jewessem Aansproch aan e Lexikon, janz ejal wie dä Driss jeschriwe es. Haupsaach me kann et lääse un me hält sich unjefähr aan de deutsche Schriefwieß un Betonung.<br/><br/>
Me könne keen Schriefwieß harmonisiere, weil me drei Sprochzone hann. De BBKurt uss Stolbersch un et Jüppsche uss Bonn jebruche jliche Wöörd, die e'ne Köllsche uss de Stadt Kölle janet kennt, weil sich om Land et Meddelhuhdeutsch bes hück behaupte konnnt. Dann bräng dat ens unge eene Hoot.<br/><br/>
Un noch eent: Wer kennt Ripoarisch? En andere Wikis sollte me uns Rheinisch/Rhenish/Rhenan nenne, dann krie me vielleesch e paar Klicks un e paar Metmaacher mie.<br/><br/>
Et wichtigste wör, datt dat Wre/Kra Interface endlich ens aan et loffe köm.<br/><br/>
Minge Vürschlach:<br/><br/>
1. Wre/Ka Interface als Steuerung<br/>
2. Drei Sprochjruppe<br/>
3. Syntax zum Programmiere von Templates Englisch. Ich kann mich nämlich noch dodran erinnere ne Müllemme, Möllämme 10 Minute jesöck ze hann, bes ich dann einfach "Delete", "Image", "left", "right" usw. jeschriwe hann.<br/><br/>
Alsu zom lääse Ripoarisch, ze Steuerung Englisch ode Huhdeutsch wäjen em bequäme Projrammiere.<br/><br/>
Nur e paar Mann, die bestimmte Rechte zom Ändere hann. Un net jedem Tütenüggel Bot-Rechte jäwe, dä uns Arbeet widde kapott määt.<br/><br/>
Huhe Aanspröch stelle ich aan de.wiki. Op ksh.wiki dürfe me dat net ze eng sen, denn letzendlich soll et Schriewe en Platt öwe Rheinische Lebensart, Brauchtum usw. Spass maache, un och zeije, dat me komplizierte Sachverhalte en Platt schriewe kann. Me spreche keene Dialek, me spreche en Sproch, die wiggerjejowwe un wiggerjesproche werde moss.<br/><br/>
Ich jlööf, jetz jonn ich als Bönnsche ens et Stolberjer Platt vom BBKurt harmonisiere. ;-) *rofl* --[[Metmaacher:Jüppsche|Jüppsche]] 09:56, 20. Apr 2011 (CEST)
| |||