Avschlag
(mieh kölsche Sigge)
un geschrevve en de Schrievwies vun de Kölsch-Akademie
(mieh Sigge en de Schrievwies vun de Kölsch-Akademie)
Ene Avschlag es ene Münzprägung us enem Metall, dat för die Münz gar nit bestemmp es. Dofür wääde de originale Münzstämpel genomme. Off deit mer de eetste Exemplare vun enne Münz us Gold oder Selver maache. Dat sin miestens Eeschavschläge, die för de Münzhääre oder de Landesfööschte gemaat woodte. Et git ävvger och Eeschavschläg, die sich dä Münzmeister us eigen Metall sälvs gemaht hät.[1][2]
Besonders wäätvolle Goldmünze wie Dukate woodte manchmol em dubbelte un dreifache Geweech geschlage. Mer kunnt se zwor för Geld benötze, ävver se woren in eetster Linnich als Geschenke un Belohnunge gedaach.[3][4] Lück vun nidderigem Stand kritte Geschenkmünze us Selver, die vun Dukatenstempel geprägt woodte.[5]
Probavschläge oder Probprägunge weede zum Usprobiere vun Material un Maschine gemaht, oder als Muster för de Opdragsgevver.[6] Probe wääde off in enem andere, bellige Metall geschlage.[7] Manchmol sin die Avschläg op e viereckig Metallplättche gehaue, un et git och Avschläg met nur eine Sigg.[8]
Nohgemaate alde un seldene Münze un Medallje weede och manchmol "Avschlag" genannt, dat es ävver nit richtig.
Woher mer dat wesse Ändere
- ↑ acsearch: Braunschweig-Wolfenbüttel, Ludwig Rudolph, Abschlag vom Stempel des Kupferpfennigs von 1734 in Gold.
- ↑ Friedrich von Schrötter: Wörterbuch der Münzkunde, Berlin 1970 (Nachdruck der Originalausgabe von 1930), S. 4.
- ↑ Friedrich von Schrötter, …: Wörterbuch der Münzkunde, S. 221.
- ↑ Helmut Kahnt, Bernd Knorr: Alte Maße, Münzen und Gewichte. Ein Lexikon. Bibliographisches Institut, Leipzig 1986, Lizenzausgabe Mannheim/Wien/Zürich 1987, ISBN 3-411-02148-9, S. 383 (Donativ).
- ↑ Heinz Fengler, Gerd Gierow, Willy Unger: transpress Lexikon Numismatik, Berlin 1976, S. 114.
- ↑ Paul Arnold, Harald Küthmann, Dirk Steinhilber: Großer Deutscher Münzkatalog von 1800 bis heute. Augsburg 1997, Numismatische Begriffe: Probe.
- ↑ acsearch: Deutsche Demokratische Republik, 20 Mark (1968), Karl Marx, Abschlag der Vorderseite in Aluminium.
- ↑ acsearch: Bundesrepublik Deutschland, Klippenförmige Abschläge der Vorder- und Rückseite der 2 Deutsche Mark 1951 F.