Ongerscheide zwesche Versione vun dä Sigg „Konzentratiunslajer Barth“

Dat '''KZ Barth''' woch ö Usselajer van öt Konzentratiunslajer [[KZ Ravensbrück|Ravensbröck]]. Öt wood em Joohr [[1943 (Johr)|1943]] en d Nööhde van dr Ocht [[Barth]] opjebouwd, öm bellije Lüüh z kriije, di vöör d [[Heinckel-Werke]] mallohrde.

En d [[NS-Zitt]] jäng öt d Lüüh en d Jäjend va Barth ärsch jott. Do woode Wärke jeboud un öt koom Jeld onger d Lüüh. Su maade s am [[10. Juli]] [[1936 (Johr)|1936]] do önö Vluchplatz am Rand va Barth op. Dä wood meetstens va d Heinckel-Werke jenotzt, denn di hodde en d Nööhde hön Werk.

Dörch dr [[Zweiter Weltkrieg|Zweide Weltkresch]] woode Lüüh, di zopacke kutte emmer knapper, dä Drock op d Firme ävver emmer jrüüßer. Su moote d Heinckel-Werke flotter un flotter [[Vluchzeusch|Vluchzeuje]] bouwe. Damet dat övverhaupt meujelich woch, satze s Jevangene us öt KZ enn. Dozo woode 6 Halle van dr Vluchhaafe ömzüngt, damet kenne vottloufe kutt. D ischte Lüüh, meetstens woore dat Jüdde un Zijeuner koome em November [[1943 (Johr)|1943]], 200 Mann, öm jenau z see. Ö paar Dach doropp koome noch ens 300. Un ösu held sich dat dra. Zsamme woode do övver 7000 Jevangene zm Werke jezwonge, [[Zwangsarbeiter|Zwangsarbeeder]], wi damols jesaat wood. 20 Natiune[[Natiun]]e woore vortroone.

Z Eiße joov öt ö dönn [[Zupp|Züppche]], jätt [[Ersatzkaffee|Muckefuck]] un 100 Jramm Bruut. Met völl Jlöck woch do jätt [[Botter]], [[Marmelad]] övv [[Kiiß (för ze Esse)]] dropp. [[Wurst|Woosch]] soore s sälde. Jädde Daach leefe d Jevangene met [[Honger]] öröm.

Völl Jevange woode [[krank]], [[vorhöngere|vorhöngerde]] övv wood [[Erscheeße|erschooße]]. D Schwindsucht[[Schwindsuch]]t koom övverall vöör.

Am [[30. Aprel]] [[1945 (Johr)|1945]] wood öt Lajer opjejovve. D Kranke hod d [[Schutzstaffel|SS]] kott dovöör erschooße. Ä 3 Kolonne trocke d Männer van öt Lajer vott ä Richtung [[Rostock]], enn Jrupp Vrouwe[[Vrouw]]e kott dohänger. Enn Jrupp Vrouwe vorbleed em Lajer. Di solld als leitzte looß jo. Op eemol woore em Lajer all d SS-Lüüh vott un öt vluppde di Vrouwe, aav z houwe. Sei leeve en d nöxde Statt. Dat woch [[Ribnitz]]. Ävver do schnappde d [[Hitlerjurend]] d Vrouwe wärm un wool s allermol erschösse. D verblävve Lüüh va Ribnitz maade dönö ävver önö Strich dörch d Rächnung. Kenne passeerde jätt. Di anger Vrouwejrupp koom ongerwääß och vreij.

[[1955 (Johr)|1955]] wood ön Jedänkstäät do jebouwd, wo öt Lajer vreuer stäng. Duude, di moch vonge hodd, woode vornönftich bejraave. [[1966 (Johr)|1966]] entstäng ön neu Jedänkstätt un d Duude woode wärm öns ömjebädd un zsamme met welche us ö [[Massejraav]], dat moch töschebee vonge hott, bejraave.