Inhalt gelöscht Inhalt hinzugefügt
Caesius (Klaaf · Beijdrähsch)
+Benutzer Caesius
(Keine Ongerscheid)

De Version vum 11. Janewar 2006 öm 13:55 Uhr

Kölsch - Wie schriev mer dat?

Bei minger Schrieverei he op de ripuarische Wikipedija well ich versöke, de Rejele vun de kölsche Jrammatik enzehalde. Av un aan luuren ich och ad ens en de Wrede un en die Böcher vun de Akademie för uns kölsche Sproch.

  • Adam Wrede: Neuer Kölnischer Sprachschatz in drei Bänden. Köln 1958:
    1. Band: A-I, ISBN 3-7743-0155-7
    2. Band: K-R, ISBN 3-7743-0156-5
    3. Band: S-Z, ISBN 3-7743-0157-3
  • Christa Bhatt und Alice Herrwegen: Das Kölsche Wörterbuch. Kölsche Wörter von A-Z. Herausgegeben von der Akademie för uns kölsche Sproch, Köln 2005, ISBN 3-7616-1942-1
  • Alice Tiling-Herrwegen: De kölsche Sproch. Kurzgrammatik Kölsch - Deutsch. Herausgegeben von der Akademie för uns kölsche Sproch, Köln 2002, ISBN 3-7616-1604-X

Wann et Ungerscheede jit zwesche demm Wrede und de Akademie, ben ich doför, dat mer beds zoloße. Ich för minge Deil han leever die Aat un Wies, wie dä aale Wrede die Wööd opjeschrivve hät. Dat soll nit heeße, dat ich och ad ens esu schrieve, wie dat de Akademie explizeet.

Dat Jedöns met demm Buchstabe G un J

Beim Buchstabe G halden ich et met demm aale Wrede. Ich schrieve die Wööd, die em Huhdeutsche met G aanfange, jenau esu, wie mer se op kölsch spreche deit, soll heiße: met J! Dat die Akademie för uns kölsche Sproch dat anders han well ... . Ich meine, dat mer et Levve und die Schrievwies vun de kölsche Sproch nit esu komplizeet maache sollt. Wat wie J jesproche weed, darf mer och met J schrieve. Söns mööt mer jo jedes Mol frore: weed dat G jetz wir G udder wie J jesproche? Alsu maache mer et ons net unnüdich schwer un lossen dat esu, wie dä aale Wrede dat altt praktizeet hät.