Lück (Stadt)

Lück (hd. Lüttich, frz. Liège, ndl. Luik, waalsch Lîdje) es en Jrußstadt en Beljie on de Houpstadt van de jlichnoamije Provinz. Lück es de zweitjrüßte Stadt en janz Wallonie on zoademm och dä Setz van enem katholesche Bestom. Et liech am Zesammefloss van Maas on Ourthe, onjefäär 25 km södlesch van Maastreech on 39 km södweßlesch van Oche. De Stadt Lück metsamp iêh Omlang hätt ca. 600.000 Enwonne, de Stadt selefs ävve ma ca. 197.000.

Panorama van Lück

Jeschicht

Lück em Joêh 1649

Meddelahle

De Jäjend öm Lück woê alt zer Zeck van de Römer bewonnt, die de Stadt Leodicum jenangk han. Em Joêh 717 wood et ze enem Beschofssetz on woê em Meddelahle en Zentrom füê Kultur on Politik. Späte woêret en Deel vamm Fürstbestom Lück, een Staat vamm Hellije Römesche Rich.

Ooch wenn et quasi vande spanesche bzw. österrichesche Neddeläng ömjäve woê, sin Lück on seng Längereje bes dä Napoleon koam, ene janz eijenständije Territorium jeblievve.

18. Joêhhonget

1789 koam et en Frankrich zer franzusesche Revolution, die ooch en Lück zo Opstände jefüêt han - een Zeck, die me ooch Lücksche Revolution nenne deet. Ävve die wood 1791 van Truppe vamm HRR neddejeschloache.

1795 dann wood Lück van franzusesche Truppe besätz, woamet et Deel van de iêschte Republik van Frangkrich wood. Noahem Stooz vamm Napoleon Bonaparte 1815 koam de Stadt zem Vereijnichten Könnechrich de Neddeläng on av 1830 dann woêret en Deel vamm nöüe Könnechrich Beljie.

Lück en de iêschte on zweide Weltkreech

1914 wood Lück van de dütsche Armee enjenomme, die övve Belje noah Frangkrich maaschiêt zin. Van 1940 bes 1944 dann woê de Stadt op nöü van de Wehrmaaht besätz on woê ene wichtije Oêt füê de beljesch Réstistance.

Politik

Bleck op de Dom Sint Paul

Stadtjleederung van Lück

• Amercœur
• Burenville
• Centre
• Cointe
• Guillemins
• Laveu
• Longdoz
• Nord
• Outremeuse
• Saint-Laurent
• Sainte-Marguerite
• Sainte-Walburge
• Thier-à-Liège
• Vennes

Städtefründschaffte

Lück hätt Partnerstädte en janz Europa, o.a. Kölle, Nancy, Rotterdamm of Pilsen on ooch zwei en Afrika, Lubumbashi on Saint-Louis.

Övve de Euregio Maas-Rhing es et zoadem äng met Oche, Heele, Maastreech on Hasselt vebonge.