|
Hä fongk dann en Aanschtällong als Huuslährer bei dä [[Familie|Famillesch]] [[von Fürstenberg|vun Fööschtebärsch]]. Dat wohr em [[Sauerland]], un hä trock dänne ehr vier Pänz met jruhß, alles Jonge. Wi di esu wigg wohre, dat se ob et Jümmenahsijum kunnte, wohr sing Ärbeit jedonn, un der Liehrer Welsch trock wigger. Esu kohm hä em Johr 1877 noh [[Worringen|Wurringe]] un dann noh Kölle erin. Eez kood för drei Johr en [[Sölz (Veedel)|Sölz]], dann kohm hä em Johr 1881 noh Kallek, woh hä för der Räß vun singem Levve blihve sullt.
Eez wohr hä aan dä ahle Kalkerkalker Volksscholl<ref>vun 1850 jejröndt</ref>. Em Johr 1886 hät hä sing KollejenKollehjen, et Katharina Zentner, jehierohd, di uß singe Heimat em Wäßte vun Bunn schtamme däht. Di zwei krähte noh un bei fönnef Kinder, vun dänne alle Jonge un ei Mädsche fröh jeschtorve sin. Blohs et Maria un et Martha sin övverhoup äwahße jewoode. Beids, der Heinresch un et Katharina Welsch, dähte sesch ävver nit nur öm de eije Pänz kömmere. Nä, och övver de Scholl erus han se sesch met Rohd un Tahte för de Kinder vun de Ärme enjesaz un besöndesch de onverhierohte Mötter em Veedel vill jehullve, un och dohmetdoh met vill aan Ansinn jewunne.
Aan dä Kalkerkalker Volksscholl, doh wohr winnesch loß. De Pänz wohre vill krangk, se mohte de Äldere un de Famillesch hällfe, se mohte Jäld verdehne jonn för iere Levvensonderhalt. Et wohre schlääschte Zigge, un de Minsche wohre ärm, jrahd och di Ärbeider en Kalk. Dat hät dä Welsch zom Aanlaß jenumme, en eije Scholl ze jrönde. Em Johr 1905 wohr ed esu wigg, sing Scholl för Pänz met Jebräsche un, wi mer hück saare däht, Nohdeile un Schwäsche beim Liehre däht de Pooze opmaache. Heh krääte di Pänz ene Jrondschtock aan Weße för et Levve jelaad un vil bejebraad un wohte met Ömseesch un vill Häz ußjebeldt. Och dohmetdoh met wood dä Lährer Welsch en de janze Schtadt bikannd un beliep.
Schunn mem Bejenn vum [[Erster Weltkrieg|Eetze Wältkreesch]] wohr sing aktive Zigg als Rektor vun singe Scholl eröm. Als em Johr 1935 dä Lährer Welsch en Kalk jeschtorve es, hät janz Kölle öm en jetruurt. Hä es met singe Frau Katharina zesammezersamme om Kalker Frihdhoff be'erdesch, un sing Jraav es als e Iehrejraav bes hück<ref>2014</ref> ähallde.
== E Leed övver inn ==
|
