Ongerscheide zwesche Versione vun dä Sigg „Nohkixel“

Et jitt dousenderlej spezzjelle Nohkixele for ürrjentjet beshtemmpteß. Zom Bejshpiehl Wöötebööscher, wo De nohluure kannß, wat e Wood inne ner anndere Sprooch hejß, wie t do dann jeshrėvve weed, wadd et för Eijenshaffte hätt, un esu. Dann jiddet Nohkixele fö beshtemmpte Themen, Berejche, wie e för de [[Kersch (Ėnnshtittuzzjohn)|Kirsch]], ei fö [[Meddikamennt]]e, e för der [[Bershbou]], der [[Duuden]] för wie mer t shriev, met [[Dier]]e, odder [[Plannz]]e, extra för [[Panz|Pänz]], unn ene Houfe mieh.

E Nokixel, wat der Sėnn von de Wööt, also de Bejrėffe, vunn ener Sprooch, verklääere deijt, dat weet öff och en '''Ennzüklo Pædie''' jenannt, besönderß wenn et noch besönderß deck, ömfaßßend un vollshtändijj un ußßfüülijj eß. Dat is die Zoot Nohkiksel, die mer för jewöönlish mejnt, wemmer nix söns dobej säät, ich mejn, ''watt'' fö ejn jenau jemejnd eß. Dat Woot „encyclopædeija“ kütt uss em ahle Jrieshisch un hejß: „[[Lieh]]r vun de [[Bejreff]]e.“

Mer han norr e Woot förr esu jet, dat eß '''Lexikon'''. Kütt ussem ahle Jrieshisch un heiß — jenau — „Wööterboch.“ Jez opjepaß. Wenn De „Lexikon“ vun hinge lißß, weed „Nokixel“ drußß. Wo jidd et dann suu jet? Da siit mer widder wat uns [[Jöttlijje Sprooch|uns Jöttlijje Sprooch]] för e [[Wunder]] iß, do driehß de ejnfach e Woot eröm un nix hätt sish verändert.