Ongerscheide zwesche Versione vun dä Sigg „Mösch“

De '''Mösch''' ess ene kleene [[Vogel|Vurrel]]. Et ess eene von dä Vüjjele, die och en de Stadt öfters vürkumme. Von dä [[Ornithologie|Ornitholoore]] affjesinn, kennt dä normale Minsch de Mösch irschtens emol durch dat Sprichwood: ''„Besser en Mösch en de Hand als en [[Taube|Duuv]] om Daach!“'' Dat heeß: Besse jet Kleenes, wat me och wirklich hät, als jet Jroßes, wo me nur von drööme kann. On zweitens jit et vom [[Willi Ostermann]] e Leed, wat heeß ''„De Mösch“''. Do drieht et sich öm en Mösch, die en en städtische Wohnung erinjefloore kütt on do allerhands jet durjeneen bringk. (Luur unge für dä jenauen Tex!)

''Mösch'' ess och een von de Wööde, wo uns Platt nöhe bem [[Neederländesch (Sprooch)Niederländisch|Holländesch]] steht als bem Huhdeutsch. Op Huhdeutsch sät me doför nämmich ''„Spatz“'', wat no jetz jar nix met däm platte Word ze donn hät, ävve op Holländisch heeß et ''„mus“''. (On dat wird ''Möss'' jesproche wie bei „Do ''möss''e mer noch ens drövve schwade!“)