Ongerscheide zwesche Versione vun dä Sigg „Schosster“

Ne '''Schohster''' (udde wie me't en [[Bonn]] ussprich: Schohste) ess enen Handwerke, dä met Schohn hantiert. Fröhe wor et esu, wa'me jenooch Cäsh op Täsch hatt, do ess me nohm Schohste jejange on hät dofür jesat: „Ich dät jern e Paar Schohn hann!“ Dann hät de Schohste däm de Föß vermesse on im et entsprechende Jeld affjenomme. Dat moot e direk hann, wäll noher, wann dä andre net zahle kunnt, do kunnt e met dä op Mooß jemate Schohn nix amfange. Hüggzedaach kööf me sing Schohn als normale Minsch em Lade. Die sinn billije als bem Schohste, wäll se am Fließband zesammejeklopp sinn. Trotzdäm jit et och hügg noch vill Schohstereie, wo Schohste dren ärbeede. Wann nämmich su'ne Schoh ens kapott jeht, ka'me dä do henbrenge on de Schohste mät dä widde flott.▼

Met däm Word „Schohste“ muss mer e bessje oppasse. Wann de nämmich noh Norddüggschland fährs on fängs do met eenem e Schwätzjen an, denks dir nix Ärjes on säs zo däm: „''Ach, Sie sind Schuster!''“ – dann künnt et sinn, dat dä dir eene kläv! Na jod, dat vleech net ombedingk, ävver e maach en de falschen Hals krijje. En Norddüggschland ess nämmich et Word „''Schuster''“, wat jetz bei uns janz normal ess, dat ess do net su jod anjesinn. Die sare miestendeels „''Schuhmacher''“ dofür on „''Schuster''“ hüre manche von däne net jern. ▼