Ongerscheide zwesche Versione vun dä Sigg „Bänsberch“

'''Bänsberch''', op [[Hochdeutsch|Huchdütsch]] '''Bensberg''', es e Veedel vun [[Bergisch Gladbach|Jläbbich]], watt upp Huchdütsch ''Berjisch Jladbach'' heeßen deht, em [[Bergisches Land|Berjische Land]].

1101 es et Berjische Land en de Besetz vun de ''Jrafe vun Berch'' jekumme. Die hatten emen Bänsberch en Burch. Die wor däm Kurfürs [[Jan Wellem]] nit jod jenoch. Däm Jan Wellem sing Frau, dat ''Anna Maria Luisa'', dät sich üvver de miserabel Heizung beklare. Deswäje hätte 1703 e [[Schloss Bensberg|neu Schloss]] baue losse. Dat jov Arbeid un trok vill Lück noh Bänsberch.

Noch mieh Arbeid jov et dann em 19. Johrhundert em Berchbau. En neu Technik för de Verhüttung dät et müjelich maache, de [[Zinkblende]] ze notze, die se beslang nit notze kunnte. Dat jov noch ens Arbeid ze basch. Hückzedaachs kammer em Berchbau nix mieh verdeene. Et längs han se am [[Lüderich]] en dr Ääd noh Ääz jebuddelt. 1978 han se de ''Grube Lüderich'' zo jemaatzojemaat.

Noh'm [[Zweiter Weltkrieg|Zweite Weltkreech]] trok et die Minsche vun Kölle op et Land noh Bänsberch un en et Berjische Land. Dänne Kölsche jinge de Lück laufe. Met Enjemeindungsplän han se dann versök, die Avwanderer widder enzesammele. Nä wat jov dat ene Buhei.! All hatten se eije Plän: dr Oberkreistirektor, dr Rejierungspräsident, ene janze Püngel Jodachter, de Stadt Kölle, de Stadt Berjisch Jladbach, de Stadt Bänsberch un de Inneminister. Am Engk jov et dann 1975 en Kommunale Neujliederung. Bänsberch es zickdäm e Veedel vun Berjisch Jladbach.