Ongerscheide zwesche Versione vun dä Sigg „Franz Wolf“

'''Franz Wolf''' (* [[9. April]] [[Joohr 1907|1907]] ä [[Krummau]], [[Böhmen|Böhmen]]; † net bekannd) woch önö Scharvührer bei d [[DütschlandBundesrepublik Deutschland|dütsche]] [[SchotzstaffelSchutzstaffel|SS]]. Opjrond va Vorbräche em [[Vernichtungslager Sobibór|Vornichtungslajer Sobibór]], vöör di hä vorantwortlich jemaad wood, wood hä em [[Sobibór Prozess]] zo 8 Joohr Jevängnis vorurdeeld.

Wolf hod dr Berof [[Förster|Vöchter]] jeliird, vong ävver ke Werk und vordeende bes 1939 si ischde Jeld em Lade van önö Fotojraf. 1936 troon hä d [[Sudetendütsche Partei]] beij. Als öt [[Sudetenland|Sudeteland]] an öt [[Deutsches Reich|Dütsche Reich]] veehl, wood hä zo d [[Wehrmacht]] äjetrocke un kämpfde ä [[Polen|Poole]] un an d [[Westfront]].

Em Januar 1940 wood Wolf no [[Berlin]] jeroffe un mood kott dono ä [[Hadamar]] kranke [[Mensch|Mänsch]]e vöör d Vorjasung fotojrafeere, ö Werk, däm hä bes zm [[Frühling|Vröschjoohr]] 1943 nojäng. Si Werk ändernde sisch em Määz 1943, als hä övver Lublin no [[Sobibór]] koom, wo dö Dütsche ö [[Vernichtungslager|Vornichtungslajer]] opjebouwd hodde. Em [[Vornichtungslajer Sobibór]] bestäng sing Opjaav doren, dovör z sorje, dat di Kleer, di di [[JüddedomJudentum|Jüdde]] vöör d Jaßkammer aavjelaad hodde, opjesammeld un no Jeld dörchsood wode.

Als no dr [[Aufstand von Sobibór|Opstand va Sobibór]] öt Lajer opjelößd wood, vorsatz mo häm no Italije, wo hä beij öt [[Sonderabteilung Einsatz R]], önö Äsatz zo d Vornichtung va Jüdde benotzd wood un jäje Partisane kämpfe mood.

Am Äng vam [[Zweiter Weltkrieg|Zweide Weltkresch]] maade Wolf sisch us dr Stöpp un vorstoch sisch ä [[Österreich]], wo hä ävver van Soldate us d [[AmilandtUnited States|USA]] jevonge un en ö Lajer no [[Weiden]] jebraad wood. Als hä entlosse wood, werkde Wolf bes zm Mai 1946 als Fotojraf vöör d US-Armee.