Ongerscheide zwesche Versione vun dä Sigg „Wikipedia:Schrievwies/Kölsch-Akademie-Wrede“
Caesius (Klaaf · Beijdrähsch) +Akademie-Wrede |
(Keine Ongerscheid)
|
De Version vum 6. Dezämber 2006 öm 10:08 Uhr
För et Kölsche jitt et zwei sprochwesseschafflich relevante Quelle: de Akademie för uns kölsche Sproch un der Wrede.
- Christa Bhatt und Alice Herrwegen: Das Kölsche Wörterbuch. Kölsche Wörter von A-Z. Herausgegeben von der Akademie för uns kölsche Sproch, Köln 2005, ISBN 3-7616-1942-1
- Adam Wrede: Neuer Kölnischer Sprachschatz in drei Bänden. Köln 1958:
- Band: A-I, ISBN 3-7743-0155-7
- Band: K-R, ISBN 3-7743-0156-5
- Band: S-Z, ISBN 3-7743-0157-3
De Jrammatik (Konjugation un dä janze Krom) hät dat Alice Tiling-Herrwegen schön usenanderposementeet en:
- Alice Tiling-Herrwegen: De kölsche Sproch. Kurzgrammatik Kölsch - Deutsch. Herausgegeben von der Akademie för uns kölsche Sproch, 316 Seiten, Köln 2002, ISBN 3-7616-1604-X
De moderne ripoarische Mundaatliteratur un wie do jeschrevve weed, künnt ehr janz jod bei de ripoarische Version vun däm Asterix sinn. Zom Beispill: Asterix op kölsch - Däm Asterix singe Jung, ISBN 3-7704-0468-8. Die Schrievwies es em Jroße un Janze die vun de Akademie, mit ein Besonderheit: Dä Bochstav G
- De Akademie schriev: Gedöns, geeße, gegovve, aadig, iggelig, nüdig
- Dä Wrede schriev: Jedöns, jeeße, jejovve, adich, iggelich, nüdich
Wat dä Bochstav G aanjeiht, hät sich die Schrievwies vum Wrede bei denne Mundaatdeechter durchjesatz. De Schrievwies su wie beim Asterix es wall die Schrievwies, die et miets en de Literatur praktizeet un vun de mieste Lück verstande weed. Deswäje si'mer dobei, dat Message-Interface för uns ripoarische Wikipedia aan de moderne Mundaatliteratur (en Akademie-Wrede-Schrievwies) aanzepasse.