Ongerscheide zwesche Versione vun dä Sigg „Ahl-Kölsche Shprooch“

De Ahlköllsche Shprooch woodt nit bloß [[Schwaade|jeschwadt]], nää, se wohr och en [[Schreffshprooch]], un de kerschlejje un wältlejje Offizjälle vun de Shtadt han se jebruch, ävver och dä nommaale [[Börjer]], esu wigg, wi et Schriive dohmohls ald ühplėsch wohr. En reischhalldije Överlivverung uß dä Zick, schriif dä Professor Wrede doh drövver, däht ald en villfällteje shproochlijje Scheeschtung dokkemänteere.<ref name="wrede-13-332-bovve" /> Vun de eezte Hälfte vum [[12. Johrhondert|12.&nbsp;Johrhondert]] aan sin och Schreffe belääsch, di mer hück „[[Litteratuur]]“ nänne däähte.<ref>för e Beishpell, us em 16. Johrhondert shtammp dat Werrek, wat em [[19. Johrhongert|nünxehnte Johondert]], jäje däm sing Engk, onger dämm Tittel „et [[Booch Weinsberg]]“ bikannt jewoode es. En dä Aat vun enem Daarebooch schriif dä Sonn fun enem kölsche Patriizijer, dä [[Hermann von Weinsberg]], övver si Levve vun der Juurend bes en et huhe Allder. Besöngėsch doh draan es, dat en däm Booch et eetze mohl eine övver sesch sellver schriiv, un dat Woot „Esch“ dobei bruch. Dat övverhoup ene Börjer vun ene Shtadt övver sesch jeschrevve hät, wat söns jraad enß ene Schrivver övver ene Künning jedonn hät, dat zeijsch, wat der Kölsche dohmohls ald för ene Shtolz op sesch un sing Shtad em Liev jehat hät.</ref>