He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Panzerkreuzer Potemkin es önö Stommfilm us Russland. Hä entstäng em Joohr 1925. Singe Rejisseur woch Sergei Eisenstein.

Datei:Bronenosets.jpg
Filmposter us öt Joohr 1926
Panzerkreuzer Potemkin

Woröm öt jäng Ändere

Dä ä 5 Akte ongerdeelde Film böschriivd di Situatiun, di zo dr Opstand ä Russland em Joohr 1905 vüührt, dä dann zr Russische Revolutiun weed.

1. Akt Ändere

D Soldate op öt Schlachtscheff Potemkin vüühre ö schläät Lääve. Sö mösse hell werke un send koom op öt Land. Als sö wärm öns va Made zorsatze Vleesch keue solle, mucke sö op. „Weer vresse dat net!“, es dat, watt di Scheffsövvischde z hüüre kriije. Di kikke sisch dat Vleesch a un saare, da töt jott wör.

2. Akt Ändere

Dr Kapitän had d Naaß voll un well sing Lüüh zeeje, dat hä z saare had. Hä böschlössd, ö paar Mann erschösse z losse. Di wäde an önö Eck van öt Scheff onger ö Doch jödeut un anger Matrose sölle met hön Jewähre op di zojödäckd Lüüh schösse. Di Matrose halde ävver zösamme un öt jitt ön Meuterei. D Matrose övvernämme dat Scheff. Beij di Meuterei weed önö Matros, Wakulintschuk, erschooße.

3. Akt Ändere

Dr Panzerkreuzer Potemkin kütt no Odessa. Op d Hafenmol weed d Lisch va Wakulintschuk, en ö kleng Zält opjöwaahrd. Öt Volk kütt, öm vöör häm z bäähne. Di Lüüh vaa Odessa halde zo d Matrose un vorsöcke dönö z helpe, bränge Läävensmeddele op öt Scheff un truure öm dä duude Matros.

4. Akt Ändere

 
Op d Trapp va Odessa

D Armee röckt a un well wärm di jöwände Ochdnung no Odessa bränge. Op d lang Trapp va Odessa treffe di Soldate met Jöwähre op dat Volk. Oohne lang z waade, schösse sö op alles, watt hönö en dr Wääch kütt. Völl Mänsche sterve. Bökannd es di Szeen, wo ö Mamm met Kengerwarel van di Kowele jötroffe weed un stirvd. Dat Kengk en dr Kengerwarel rolld di Trapp örav.

5. Akt Ändere

Di Matrose op dr Panzerkreuzer Potemkin send en ön anger Jövaahr. D janze Marine röckd a, öm öt Scheff z böschösse. Als d Potemkin un di anger Marinescheffe opee zorase, entscheede di Matrose en di anger Marinescheffe, dat op d Potemkin hör Brööhr send un kenne Schoss välld.

Alljemeen Informatiune övver Panzerkreuzer Potemkin Ändere

Eisenstein vorsöckd, di Mänsche, di sisch dä Film bökikke, zo ön Reaktiun z brenge. Sö solle net mä di Belder see, sö solle och entscheede, dat dat, watt di Matruse jödooh hand, öt Richtije woch. Sö solle Positiun böträcke.

Dä Film had komm Persune, di ön jrüüßere Roll spelle. Öt jeed öm Tüpe, wi di Matrose, wi di Vührer van öt Scheff un öt Volk.

Panzerkreuzer Potemkin wood enne van d bökanndste Filme us di Zitt. Hä wood damols net mä ä Russland jözeechd, auch usserhalb va Russland koom hä en d Kinos. Eisenstein wood dörch dä Film op d janze Wält bökannd.

Jätt z lääse Ändere